識我既人,都可能知道我唔係好鍾意食正餐~~成日都鍾意食小食 其實主要都係因為我細食~又好貪心食唔同款既野!! 最近無無聊聊周圍行~~俾我搵到一間平靚正既小食店, 就可以滿足到我所有願望啦!! 呢間小食店唔係賣我地平時食開個D雞蛋仔,魚蛋... 而係入餐廳食,閒閒地都要幾十蚊既小食!!好似紅油抄手, 麻辣雲吞,泡椒雞亦咁~~ 小妹食過紅油抄手, 真係26蚊食到18粒!!食到你飽~~重點係仲要係高質既抄手 因為我好怕D抄手皮厚, 呢間唔會. 仲要紅油唔油膩~~可以食得哂!! 重慶麻辣雲吞: 都係26蚊食到18粒!~~ 不過呢個雲吞就大粒D而且有蝦既 我平時食26蚊已經飽哂!哈...如果貪心想食唔同野 20蚊有12粒~~ 泡椒雞亦: 有睇開我BLOG都知我鍾意食辣-3- 哈~~~ 呢個真係好正!! 雞亦入哂椒味, 辣得幾過癮~~仲食埋D泡椒~~ 食到索索聲嫁!! 鋪頭主打係京川小食, 但係韓式紫菜飯卷, 德國薯仔沙律都好正! 足料!!有煙肉粒嫁~ 酸辣土豆粉~~都係飽食之選!! 粉既質地好得意~~酸辣度平均^O^ 上面個D就唔係好知係咩,但好似花生咁既! 可以再配小食, 正~! 點擊圖片放大 其實除左以上小食, 佢地仲會不定期有D 特別小食. 好似芝士蛋糕, 明太子沙律咁~~~ 可能就要碰碰運氣啦!! 嘿嘿~~佢地應該兩公婆經營既小食店, 但對食物質素好有要求~~~ 預先整既小食都係獨立包裝~~賣哂就冇嫁啦~~其他小食, 大部份都係即叫即整! 附上地址同餐牌~~比大家參考下啦! 支持小店~~~~~ 西環德輔道西370號幸運樓地下D舖~~~係巷仔入面, 唔顯眼既~~~但要尋寶,就要行嫁啦 P.S冇得坐~要TAKE AWAY!不過如果想黎西環覓食, 呢間食得過~~~