最近真係好忙好忙~~打兩份兼職再實習再讀書... 但係人生如果只係得返工作.返學.放工.放學.又有咩意義呢~?! 如果識我既人都知道我真係好鍾意唱歌...由小學開始已經唱合唱團... 比起獨唱,我諗我會更享受在團隊一齊去唱好一首歌既感覺...真係好熱血. 老老實實..出黎社會已經X年..因為進修關係..所以又重返校園... 結果.....我真係膽粗粗去參加試音..仲入左隊... 望望身邊既隊友平均都細自己都5/6歲...係真係有少少格格不入既 但咁又點...只要做自己享受,又使咩諗咁多呢!?! 無諗過可以有機會再唱返合唱團..其實我真係好開心嫁! 唔諗咁多野啦,享受下唱歌仲好啦 第二份實習開始了. 被派去做老人服務 最開頭真係好緊張..始終都無做過..無經驗. 但做左成個月既感受係好正面...因為我從佢地身上所學到既遠遠超越我所想. 其中一個婆婆就同我講「你真係好岩呢行嫁!因為你成日都笑,望住你都好開心!」 中學時合唱團既老師同我講過一句說話:習慣改變性格,性格決定命運 我一直都放在心裡。我成日都覺得每一人既際遇都好唔同,但必然會經歷壞事和好事。 但如果往往經歷壞事時,也放不下,記在心頭,那麼這種想法會令自己辛苦,結果只能固步自封了。 對住班老友記耐左,我最深刻既事就係,一世人咁長,如果樣樣壞事都要記住,幾時先記到老? 佢地教曉我一樣野,快樂其實好簡單。年青時追逐名利,有很多大想法。到年長時回望一看。 其實一生人之中,沒有太多轟轟烈烈、幹很多大事的時間,有的也只是很短暫,相反,有很多時候也是平平淡淡的。 平淡是福。簡單是樂。 2016年時的定義: 有人話,點解愈來愈開心? The pursuit of happiness 答案很簡單。人生本是一個尋找快樂的故事,也許有很多讓你不滿不快的事,但根本沒值得讓自己沉醉於不快樂之中。 而且生活找到目標,能夠享受在過程中的滿足感,去守護值得珍惜的人、事、價值和信念…便足以樂觀地活 是有時會疲累。以前會埋怨,亦不懂應付負能量。沒經歷過悲哀又怎會有快樂呢?事實上,每人也有自我調整的機制,你可以選擇做悲劇主角,我選擇繼續找讓自己快樂起來的方法吧。 人最大的投資,是在自己身上。我覺得看書很重要,我閱歷少經驗少思維不全面,書卻能讓我反思更多看得更宏觀。