天啊!隨著工作繁忙起來,完全遺忘這個博客! 自從在杭州上海回來後,對吃辣的欲望有增沒減。 很想分享 麻辣煲: 呢類既辣煲在大陸是很常見的! 每100克秤~~~~分肉類, 蔬菜計錢! 鍾意食咩配料,行埋去同個姨姨講就OK了 然後佢就會將配料加埋辣椒,加兩碗白飯!重點係好抵食~~~~ 正~~點解香港冇既?! 食辣又可以唔食麻辣火鍋,以下落黎呢個鍋係我食過咁多次辣入面成到最爽既一次! (其實初初無諗住去呢間既,但係見到好多人排隊,然後鋪頭個種辣係傳到成條街都聞到,結果就入左去喇) 佢個種辣係真係令人一路食一路流汗,最後大叫爽! 真係好好食。 初初食會令舌頭麻痺,食到最後紅油湯底會變苦! 紅油係真係好純,唔會溝好多汁/水,再加埋好多既辣椒,真係好好食! 落 手打牛肉丸(有酒味,新鮮!),仲有幼滑滑牛滾兩滾,食得! 食過,真係返唔到轉頭,好想再食返,但香港搵唔到。 店名:成都大龍燚 (最後聽內地朋友說,這間店最近在內地很火熱。註:很會吃辣的朋友也覺得很辣!) 如果有去過杭州,又做過資料搜集,你會發現內地人熱捧一間「外婆家」既鋪頭! 礙於呢篇文主要是介紹 辣 ,所以不會介紹 「外婆家」 但係我要分享既就係外婆家同一集團旗下既「炉鱼」 http://www.dianping.com/shop/13873111 唔好意思,影得麻麻地。 如果無記錯,我地簡左湄公魚,條魚係好好食,無泥味,又鮮! 而口味係簡左泡辣味! 唔算好辣,但係條魚入哂味,加埋配菜,正! 其他小碟就麻麻地,但係佢地既青辣椒就好正! 其實仲有食到香港人都應該好熟悉既「海底撈」,不過就無影相‧ 由於呢次旅程食完成都大龍燚,打過大佬之後,就覺得海底撈不過爾爾。 對辣既念念不忘.......返到香港忍唔住都食左兩三餐辣,但係都失望多 1. 得一間食開而首推銅鑼灣既麻辣派對,係可以滿意到辣欲 呢個係麻辣雞.味道好. 但冇咩肉既. 2. 銅鑼灣: 十二味麻辣小當家 小菜 鮮椒草原肚(原來係牛柏葉,仲要係溝左好多金菇....唔值$75蚊) 雲陽雙椒雞(完全無諗過$152既值錢係食雞粒,雞未能吸收到辣味,好失望) 惟一不過不失竟然係酸辣土豆絲 3.尖沙咀既 川婆婆 麻辣火鍋 $158 2小時任飲任食,不過不失. 值錢抵 多謝收看,下次再講