大過個頭既蟹粥 – 北角隱世中菜

北角又點止得東寶一間餐廳阿~~~~

上多3層樓 北角渣華道99渣華道市政大廈5樓 渣華道體育館

無錯!!!!!!!!真係隱世, 體育館入面係有得食嫁!!!

渣華軒

雖然地方細細,都唔係得好多圍~~~如果想食既話, 記得一定要預早BOOK,

好似食私房菜咁~~佢地每晚都只係做到一轉~~以我地個晚黎計既話

不過真係好好好好好好好抵食…高質..每一道菜都有少少grimick!

好食好玩….食到最後你會問,,,,個老細會唔會蝕錢?!

好耐無食過咁高水準既中菜………今次係大聚餐, 一班人食,,,

如果平時咁樣既聚餐…真係冇400蚊都唔使落樓…就好似去飲咁…

但今次每人都唔使300蚊!!真係抵到爛..仲要食到飽一飽..再打飽返屋企比屋企人食…WOW!!

我都唔講咁多野..你地睇下相先~~~~

食前黎個潤肺杏汁海底椰~~~肺,洗得乾淨:] 海底椰杏汁玉肺~~真係有海底椰嫁.

我食過好幾間杏汁肺湯…因為係花巧工夫野, 呢間真係整得唔錯.

前菜都唔馬虎嫁!!老闆講完中間木耳食芥辣~~仲要係補腎, 全場男士狂搶, 清哂~XDDD

好特別既~~好似越南蝦, 包住食,唔漏既!

貴妃雞一定唔會冇, 滑! 香!

另加既!!套餐無包! 好正, 係水煮花甲~~~個汁食到個個ENCORE再ENCORE!!

花甲,新鮮! 完全冇沙既~~~~~~~

呢個唔係就咁蒸蝦咁簡單…係滋補既蝦, 仲要焗住蒸汽既, 哈哈….上菜個陣先篤穿中間, 等D蒸汽汽上黎, 正!仲有明目杞子’當歸..既藥材

拿, 呢個唔係誇張嫁!!真係火燒燒住咁上菜~~~~~~~~羊鞍, 完全唔騷!

個肥肉…真係好邪惡…但係好好食…同我之前蒙古食既感覺係一樣….

都係個種有用好特別香料去燒..

唔好意思…真係影得唔係幾好..但係…呢條魚真係不得了.

其實食左咁多樣…都半飽嫁啦..點知!!!! 條魚…我好耐無食過一條咁好食既海魚

清蒸大海斑

咁大條…要蒸得好食..已經好難…冇蒸過龍, 魚鮮、滑!!

呢個有名嫁!!!!富士山之回憶, 老闆話, 堆到一座富士山咁, 最後上面灑上三文魚!

清清地, 又好食..帶子炒蛋白, 滑, 無得輸, 清哂

食到最後, 家傳菜冠軍..MUST食………你一定唔會估到食咩!!!

係粽黎嫁!!! 係香煎既粽, 好特別, 我從來都未食過咁整既粽, 平時既粽都係蒸…

好好食…不過已經好飽了.

鮑汁螺片~~~無特別, 但都好過酒樓

你以為就咁就完?!!錯!!!!!!!!!壓軸登場既係!!!!!!!!蟹粥!!!!!!!!!!阿拉斯加大蟹粥

老細話:呢個係20人份量嫁!!一定夠你地食,,, 老老實實..係左咁多碟, 已經好飽

但係真係唔可以唔食試~~~~通常都係去澳門先會食蟹粥但係香港都少食.

呢個粥, 長腳蟹, 應該係雪蟹, 但係都好鮮甜, 粥又綿~~蟹肉又夠多!!

留意: 老細仲會細心到行過黎去做示範點去拆蟹~~~~~

食唔哂, 個個都打包返屋企比屋企食人~~

最後, 點可以冇?!甜品!!! 椰汁官燕湯圓, 雖然唔係好多官燕嫁啦, 但係食到最後都有個咁有誠意既湯圓,真係好滿足囉!

真係唔係賣廣告~~~今時今日. 唔加一…仲要包壽桃!!

你生日, 老細仲會播埋生日歌熄燈, 全場一齊唱!!!仲要比埋飾物道具你影相…..搞氣氛…

今時今日咁既服務態度……..100分!

最後唔講唔得: 好滿足!!! 抵玩.抵食!!

This entry was posted in 中國菜, 健康養生, 家常小菜, 家庭聚會, 泰越菜, 生日派對, 知己聚會, 香港 and tagged , , , , , , , , , , , , , , , , , , , , , , , , , , , . Bookmark the permalink.