元朗有好多好嘢食就係人都知,今次Venus就到元朗尋找隱世西班牙私房菜,新界區相對少有西班牙菜,搜尋咗一陣先搵到Granada,決定去試一試 店舖近元朗西鐵站,步行大約10分鐘,位置在體育館對面,附近一帶都係食肆,跟著搵就搵到 平日食西班牙飯就食得多,全西班牙菜就真係第一次食,先嚟頭盤醒胃先 頭盤紅菜頭黑毛豬火腿沙律 紅卜卜紅菜頭營養價值高,配搭沙律醋、車厘茄撞出酸甜味,混搭咸香軟滑黑毛豬火腿,多層口感開胃一流 西班牙氣酒煮大海蚌 Venus一向唔好杯中物,所以對用酒煮食的食物普遍覺得有苦澀味。依碟海蚌改寫Venus對酒煮食的觀感,香甜氣酒融合奶油般醬汁,又香又滑,半手掌大海蚌鮮甜多汁,再用d醬汁點蒜蓉多士食,滿口濃厚滋味,必食推介! 點擊圖片放大 鹽燒沙甸魚多士 罐頭沙甸魚就食得多,沙甸魚多士第一次食,來自西班牙沙甸魚好鮮甜,加上酸味蔬果粒夾多士食原來好夾 蒜油大虎蝦 西班牙菜出名用橄欖油烹調,今次依道菜加入爆蒜調味,遠遠都聞到香味,大大隻彈牙虎蝦好滿足,海鮮迷不能錯過 雜蔬慢燉頂級牛小排 不得不讚美主廚將牛小排煮得剛剛好,嫩滑多汁,每一口都品嘗到醬汁與肉汁鎖緊後在口中釋出的味道,連配菜都入哂味,西班牙菜又點少得依道菜呢~ 最後食埋甜品就滿足la~~~ 士多啤梨凍餅 焦糖燉蛋 Granada: 元朗鳳攸南街3號好順景大廈地下13號舖 2899 2787 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?fromuser=VenusPang U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang