最近轉天氣又病咗,病完想飲d靚湯滋潤下,見到一間專用老鴨做湯底標榜養生火鍋,湯水➕火鍋控Venus即刻去試下個湯底係咪講得咁正先 金撈老鴨湯刺身火鍋專門店位於佐敦文昌街25-47號文昌樓地下41及43號舖,Venus係西鐵站行大約10分鐘左右先到,建議睇住Google Map搵路,唔係好易蕩失路 店舖整潔座位都唔算擠迫,坐得舒服 行到好肚餓,即刻睇下餐牌有咩食先 除咗火鍋配料原來仲有刺身、甜品、小食加埋多款特式火鍋食材,火鍋店嚟講都算好多元化 連酒類都好多選擇,餐牌仲有埋酒類分析 原來有松茸菇菌,之前一陣想試,一於叫碟試下 諗唔到食咩?可以睇下必食推介 等食期間睇下張火鍋墊紙,原來鴨肉好補身,男女老幼一年四季都啱食,睇到滋陰補腎同養顏即刻覺得我好需要^^ 睇下真係成隻鴨做湯底無呃秤! 原來金撈鴨有個特色係「先嘗湯,後火鍋」,店員會幫手隔起面d油,之後就先飲碗清鴨湯,睇下碗靚湯,真係好好味,好似媽媽煲燉湯味道 仲有特製辣青椒醬點鴨肉食,不過辣醬都幾辣 鴨湯底相比起雞湯底一d都唔油膩,一路打邊爐一路飲靚湯都得 家鄉魚腐係店長推介,魚味濃郁,難怪推介要試下 唔好以為係普通魚蛋,依碟係龍躉魚蛋,比普通魚蛋咬起上嚟厚實,類似墨魚丸口感 皇帝菜係近年Venus火鍋必食,今次d皇帝菜好新鮮爽口 終於都試食到松茸菇菌,比起平時食d菇類濃味好多加上帶點青草味,一試難忘,不過價錢就唔係太大眾化la 再嚟手打深海花枝滑,都幾彈牙,平日通常食蝦滑多,花枝滑就少d 最後食火鍋必備紅薯粉,略嫌幼咗d,原果粗身d會仲有口感 最後第二個胃出動la,原個椰皇啫喱,將椰青製成啫喱配搭新鮮椰皇肉,清甜好味,為今晚完美謝幕 金撈老鴨湯刺身火鍋專門店 地址: 文蔚街42號號 電話: 2332 7600 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?191562 U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang