日本料理一向係港人至愛,係香港每行幾步就見到一間日式餐廳,當中以刺身最受歡迎!好多餐廳都以唔同刺身題材做gimmick Venus最近係灣仔覓食,發現一間隱世日本餐廳 夜市全場爆滿,走果陣仲見到好多人等位(當晚仲係平日),無他~因為抵食又好食! 店舖面積唔算太大,但座位寛敞,唔會有擠迫感,多數座位採用沙發椅,唔知係咪配合店名「家」字令客人有家的感覺? 裝修擺設都極具和風特色,可以看出老闆用心經營日式餐廳果份心機 多款新鮮壽司刺身選擇,仲有激安壽司,認真親民抵食!另有卷物、炸物、日式火鍋、小食等等,而酒類款式都頗為全面,清酒、啤酒或大吟釀都有,鐘意飲返2杯朋友仔就要試下la 點擊圖片放大 見到藍鰭吞拿魚"特選鮪盛"只係$220有6件就叫咗一客試下 仲有店內熱賣特選海鮮丼,Venus叫咗特選海鮮丼定食都只係$275@@ 睇下特選海鮮丼材料幾咁豐富@@ 好la~~~~~個胃已經不停打鼓示威要我餵佢食好西la~~~起筷!!! 第一樣就食生蠔~~~ 生蠔狂當然要叫隻生蠔試試la~~~ 生蠔:新鮮肥美啖啖肉,學飲食節目主持人咁講:「好creamy啊!!!」 冷稻庭烏冬:爽口彈牙,夏天行到熱辣辣無胃口食嘢,食凍食消暑就最perfect la~~~ 醬油唔會太咸,咸味啱啱好 青龍:新鮮即炸即製咬落唔會有過氣感,蝦大大隻好彈牙 好怕壽司一夾就散開哂,Venus夾完又夾咁舞件壽司嚟影相一粒飯都無跌過,反映到壽司司傅功架啊^^ Venus都係第一次食藍鰭吞拿魚,本身好怕魚腥,只會指定食某幾類魚,三交魚係其中一款。以前食吞拿魚會覺得好腥,係唔同日本餐廳食過幾次都好腥就以後唔敢食la...今次見有藍鰭吞拿魚就試下~點知一食落居然係咁鮮甜,完全無腥味,入口即溶,之後個口仲保留陣陣魚油香,顛覆哂我對吞拿魚一貫腥味感覺,好想大叫:「好好味呀!」 軟殼蟹真係唔係間間好食,有D翻炸食落真係無哂mood....哂quote...今次依碟軟殼蟹唔單止脆仲好多膏tim 登登登登~~~主角當然係壓軸登場~~~有請『特選海鮮丼定食』~~~ 先講講丼定食有d咩~ 海帶麵豉湯 胡麻田園沙律 日式燉蛋 特選海鮮丼 特選海鮮丼:磯煮鮑魚、大吞拿魚腩、特上三文魚籽、蔥吞拿魚腩、海膽、特大赤海蝦、空運立魚、赤貝、油甘魚、左口魚裙邊、吞拿魚、三文魚腩 齋睇賣相已經100分,淨係影張相已經呃爆like。刺身最緊要係咩?一個字:鮮! 家賀屋特選海鮮丼鮮味十足,刺身足料夠厚唔呃秤,海膽鮮甜,磯煮鮑魚夠入味,而飯係採用日本名種越光米,咬落有口感 最緊要有咁多款食物,一個海鮮丼定食都只係$275@@ 食到日本空運到港食材,仲要係港島區,咁親民價難怪平日都全場爆滿! 家賀屋刺身寿司專門店 地址: 灣仔灣仔道83號1樓 (港鐵灣仔站 A3 出口, 步行約4分鐘) 電話: 2836 6466 營業時間: 星期一至六: 12:00-15:30; 18:00-23:15 星期日及公眾假期: 18:00-23:15 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.comFacebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?191562 U Blog: https://blog.ulifestyle.com.hk/blogger/venuspang/Blogspot: http://venuslazydiary.blogspot.hk/ She Blog: http://blog.she.com/venuspang/