之前係BE Forum 分享心得,好多sis inbox我想知效果同係邊到買^^ 其實我都係上官方網站搵特約經銷商買 http://www.obagi.com.hk 護士朋友介紹下認識e個美國牌子,佢用藍色Nu Derm系列,我用C-RX系列,我主要解決荷爾蒙斑問題,佢就想深層煥膚,所以藍色系列要配合A酸使用,藥性較強 C-RX 左起:洗面>精華>日霜>晚霜>SPF50防曬 我係其中一間特約經銷商購買,保證正貨,因聽朋友講水貨味道會有d唔同 隨盒附送一個袋,方便攜帶外遊 用後心得: 煥膚療程為12星期,但一套份量唔足夠用到3個月,我要用二套先o岩o岩好夠3個月 精華同日霜會有小小刺痛感,天氣乾時仲會好「那」面同痛,晚霜味道刺鼻難聞,我第一次用差d嘔,陣味好似嘔吐物 效果: 其實今次已經係用第三套, 第一次療程係2014-12月~2015年3月 效果相當好,我之前谷好耐點針清都唔work ge石頭瘡清o左,暗瘡印,紅印,黑頭無哂,荷爾蒙斑都淡o左好多 咁點解再用多一個療程呢? 因為想完全清哂荷爾蒙斑,要擁有一塊白滑肌膚 過程: 大概第8日左右皮膚會變得好乾,我反應較大,成塊面變到好似關公咁紅,第10日左右開始會甩皮,少少咁慢慢甩,嘴角位會較多皮屑,甩皮情況持續到2個月會有改善,第三個月開始已經甩少o左皮,好明顯見到皮膚白淨o左、摸落會滑o左、膚色均衡o左,之前辛苦都值得ge 今次療程至到10月先完,之前懶無影低Before之後會影返After 使用24日效果 黑色圈圈係荷爾蒙斑,因為已經係第二次用,比起第一次用已經淡o左好多 我皮膚比較薄,用Obagi會唔單止紅,仲會變黑,頭一個月keep住會咁,第二個月會慢慢變返白(內附多手吱額頭暗粒搞到流血結焦相T^T) 甩皮相 唔知點解同朋友一致認同下午3~4點d皮係甩得最旺盛,夜晚唔會點甩,唔通有時間制(哈哈哈哈) 成個過程最辛苦係日日帶口罩返工,又甩皮又紅又黑點都要遮一遮,而且真係要好乖同有恆心keep住用先見到效果,3個月內基本上無化妝,真係有需要都係淡妝,但其實我覺得化妝仲醜,個妝完全唔會貼服,乾紋暴現&甩皮,即使做足保濕都無用,所以要忍得住3個月:>>痛楚、甩皮痕癢、唔化妝、周不時會有奇怪目光(就算返工帶口罩都總有除下ge時間) 真心分享完畢,多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/