有段日子無去東門行下掃下街la 上星期五夜晚去東門行個圈已經發覺好大轉變 多o左個大型商場,多o左幾條食街 太多食物選擇,果晚想食粉麵就去試下e間 「壹品巴蜀麻辣燙」 小型舖頭,望落整潔 有2部雪櫃自選食物 我同朋友食小麻辣都覺得幾辣下,但好香好惹味,值得推介一試 埋單共¥48都算抵食 第二日又去東門掃街 ¥10 三隻生蠔 ¥10 五隻扇貝 ¥15 魷魚炒豆腐 夜晚去食主角海底撈, 第一次去食,朋友預先book位(6:00),一行4人提早4:30到 我們先在等候區玩波子棋、飛行棋回到童年時 接待處職員十分熱情好客,先拎水比我地飲(其間還不斷添水),之後又拎西瓜,又間中詢問我地有冇咩需要,服務十分好 係等候區仲可以免費Gel QQ甲(沒有增長服務),有QQ甲/塗甲油選擇,好多女仔都排隊等整甲,當日我排第7個,有預約服務,有興趣可以預先booking 美甲姐姐好細心詢問修死皮時會唔會整痛你,又幫我e個選擇困難症病人一齊挑選甲色,最後簡o左桃紅 朋友book o左sofa位,坐得舒服 職員好有禮貌又好好服務,一齊有講有笑,一個愉快的晚上 麻辣愛好者ge我簡o左川辣,但好失望,因為湯底有陣羊羶味,不斷問職員湯底係咪有羊,佢地話有牛無羊,所以成晚都無點用川味果邊湯底,因為我超級怕羶味 自助調味區上另有幾款小食、生果及2款粥選擇,小食幾開胃,蟹粥好好味,但南瓜粥好似白粥,完全無南瓜味 海鮮拼盤新鮮,菜都好甜,因為我唔食牛,朋友話牛都好味,食物有質素 去海底撈必食人手拉麵¥7條 有得睇表演有得食,八卦問師傅,已經做人手拉麵8年以上,係海底撈就半年左右 麵條口感有d似水餃皮,都幾好味^^ 除o左睇人手拉麵,仲有京劇變臉大師不定時表演,變臉速度好快,觀眾大拍手掌 海底撈貼心服務,怕客人弄污衣服,有圍裙著,一路食火鍋一路睇住兩位圍裙男士幾好笑^v^ 埋單:¥666 4位,有Gel甲有表演睇又飲又食3個鐘,仲有一大埋貼心服務同笑容滿面職員,超級推介一試! 第三日又去食火鍋,今次係國貿站金光華廣場食,職員服務一般,但湯底幾好味 特別食物:紫薯粉,口感煙韌 最後去榴蓮專門甜品店食個榴蓮雪糕就返香港la ¥10 一杯, 榴蓮愛好者一定鐘意食,香濃榴蓮味 結束3日2夜深圳食玩遊 下星期再去深圳其他地方玩玩食食 一齊分享吃貨時間 Bye Bye 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/