【台式古早味cafe推介－令大家變番小學生!!*v*】 大家畢業後 總會時不時懷緬下做學生嘅日子 ...唔知當中的你又會唔會想番番去做小學生嘅時光呢？位於觀塘工廈裡的Scoool Cafe（小時光）就大玩台式古早味，Cafe內由裝修、椅桌到擺設等都充滿住懷舊小學味道，身處喺裡面實在係好有回憶好有feel呀～嗚呀T0T!!! 話說～呢間「小時光」cafe真係好新，30/3先開，我去o個陣（2／4）佢仲係試業中～有個牌喺街promote下^0^ [不過佢復活節休息 所以我等到而家先介紹俾大家>_<] Cafe喺觀塘工廈一角 確實有少少隱蔽 一入到去就好似時光倒流 去咗第二個世界咁:P 呢度都幾大 空間感十足 而且成間cafe都係小學枱櫈 令大家好似變番小學生咁 超級懷舊有feel～ Cafe係半自助式 叫野食要走到盡頭近廚房處落單 然後拎個電子器埋位 等佢震+響就拎得:P 由於越野兔我好鍾意鹽酥雞 所以嚟到呢度當然要叫番個鹽酥雞扒便當試試! 另外加錢要咗杯鳳梨蘇打^0^（小插曲：呢度嘅店員可能係台灣人 唔係100％聽得明廣東話 當我話要「鳳梨蘇打」時個負責人以為我要「鳳梨蘇」XD 跟住嚇咗佢一嚇話無，所以建議大家講國語都得:P） 等嘢食期間周圍影下相～發現呢度勁多 係真係勁多本漫畫（唔知有無成千本呢*0*） 而且D枱櫈可能真係小學拎嚟嘅（？）睇倒櫃筒裡面有d塗鴉 真係諗番起自己以前（成日用鉛筆寫完又刷番 仲畫哂公仔改人花名:P）望住佢地真係勁想拎支塗改液加幾筆上去XD 結果 等咗10分鐘倒終於有嘢食*0* 一見到即刻好興奮 因為好靚 睇落又好好味 如果唔係一定要「相機食先」俾大家睇睇 我應該會瞬間K.O.塊雞!!! 好香口好脆!!! 底下仲有d青瓜 令成件事無禁油膩熱氣～讚!^0^ 呢杯「鳳梨蘇打」個樣有驚喜!! 好似上緊chem堂咁（仲要係綠色超似實驗品XD ）味道比我想像好 唔係藥水味 不過其實似有少少菠蘿味嘅七喜 只係不過不失 唔值得散叫／加$2x 去飲@.@ 之後就食食食食 無食物相架啦因為俾我清哂!! XD 我就係坐喺呢堆漫畫隔離 雖然自己唔係睇漫畫大（係初中時期追咗一排comic fans XD） 但呢度可以俾大家慢慢食 慢慢睇漫畫 慢活感覺確係幾正~ 呢間cafe四周圍都係影相位 終於影相 自拍嘅朋友就岩哂啦^_^ 建議大家non lunch time嚟 因為rush hour都幾多人下@.@ 價錢：♥ ♥ ♥ (平均每人$50-70) 上鏡度：♥ ♥ ♥ ♥ 交通方便度：♥ ♥ ♥ (觀塘地鐵站步行 大約6分鐘) 浪漫度：♥ ♥ ♥ （無論係朋友定情侶都可以盡情傾學生時期d浪漫野喔 :P） 小時光 Scoool 地址：觀塘興業街16-18號美興工業大廈第1期A&B座1樓C1室 電話：3188 2380 溫馨提示：由於佢剛開業，營業時間不定，可以check下佢fb/ig [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
