話咁快又差唔多到夏天，係睇日落嘅最佳季節。出名睇日落嘅地點非下白泥莫屬，不過交通真係十級唔方便，睇完日落等到天都黑齊都未上到小巴出去元朗，諗起就嬲嬲豬啦！！*0* 拍拖行街guide今次介紹大家去東涌馬灣涌睇日落，唔洗整污糟腳之餘，仲可以坐係碼頭吹吹海風，或者買d簡單嘅釣魚工具，一路睇日落，一路釣魚！呢d 咪係生活態度囉！ 馬灣涌係香港其中一條漁村，話明漁村，食海鮮是常識吧！所以由村口去到碼頭，都會見到唔少海鮮酒家，價錢都唔算好貴，可以一試！ 不過我地今次嘅目的係睇日落同埋釣魚！！！！！所以就係逸東邨街市買左簡單嘅釣魚工具，例如鉛、魚排、蝦等等就出發啦。 穿過哂d 鐵皮屋，就會見到下面條橋仔，亦即係我地到啦～！ 呢度都有唔少一家大細來釣魚，當然亦有專業人士啦，不過我地收獲係零，可能冇咩耐性呱^_^''。哈哈，但人地一家大細就個個都有收獲，仲有一條大魚添！*0* 雖然其他人嘅釣魚工具好專業，但用魚絲加魚排一樣釣到架！不過記得釣完放返落海，咁先keep 住有得釣架嘛！ 我地都係專心睇日落算啦，個剪影又影得幾靚喎！ 對面就係機場同埋昂平360嘅纜車線，不時都有飛機起飛，好靚架～ 其實係纜車上面睇日落應該都幾靚，不過最緊要唔好停！ 最後，唱返首《夕陽無限好》就perfect啦！！提提大家，記得出發前上天交台睇下幾點日落呀！ 價錢：♥ ♥ ♥ ♥ ♥ 上鏡度：♥ ♥ ♥ ♥ ♥ 交通方便度：♥ ♥ ♥ ♥（港鐵東涌站搭巴士到逸東邨，向海邊方向行，經過海鮮酒家，穿過村屋就到啦，約10分鐘） 浪漫度： ♥ ♥ ♥ ♥ ♥ [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
