韓國醬油蟹風魔全香港, 識飲識食既人一定有聽過佐敦「醬缸」, 雖然愈來愈多韓國食店都有醬油蟹賣。 但講起香港元祖級,不得不提「醬缸」。 佢既名氣究竟有誇張? 首先,你要食蟹就要俾啲誠意,親身去唔能夠打電話。 要預早訂,唔能夠walk in食… 而小編為左食呢一餐…就親自去一轉, 點知一book就三個月後!!!! !! !!!!太誇張啦!!!!! 不過照book,我就試下你係咪咁好味… 就係我book完之後,行過幾條街, 我見到一間零人排隊的韓國店, 佢竟然都係叫醬缸, 不過係「醬缸小食」, 佢裝飾簡約左啲咼…第一時間諗唔係勁到連「醬缸」都有A貨店呀! 再望望門口,咦!都有醬蟹食咼… 我個刻就有種 我不入地獄,誰入地獄既心 試下佢啦, 就訂左檯… 食哂兩間醬缸,就知龍與鳳~ !!!!!! !!!!!!!!終於到食蟹日啦 你睇下個賣相丫! 一啲都唔差咼!!! 同我係韓國食既一樣呀! 呢度既人仲會幫你開埋,剪好所有配料, 一打開個蟹蓋…嘩~~~~~不得了,好多蟹膏呀!! 除左整好哂啲蟹俾你之外,佢地仲俾埋手套你, 方便你拎起黎大啖大啖食丫嘛, 佢啲手套好得意,淨係套兩隻手指,手指公同第二隻手指,專係for食蟹架咼*v* 識食既你,一定知道同醬油蟹最好朋友係邊個… 就係「靚仔」白飯呀!!餐廳提供埋紫菜飯俾你送蟹食,唔會另外收費架! 嘩!!!係咪流哂口水呢~~ 我仲叫左其他野食咼… 有魚蛋串啦,完全係韓國街頭既味道,讚! 再整多個,送飯一流既 辣豆腐海鮮湯,真係好辣:p 之後,仲有辛辣面炒年糕,甜甜辣辣,好好味呀!年糕仲好有咬口架! 今次真係撞見食神啦! 估唔到「醬缸小食」唔係A貨,更加唔止得小食, 醬蟹既味無得彈,其他既食物都有水準。 咁大家以後就唔駛係「醬缸」排隊等三十個三年, 可以去佢堂姐妹店「醬缸小食」到食啦~ 襯呢個秘密未揚開去,快啲去食啦! 如果唔係就兩邊都排長龍架啦 > <""" =======同場加映======= 終於食到「醬缸」,味道同「醬缸小食」我覺得差唔多 嘩!!!!蟹膏好多好靚呀!!!啖啖蟹膏…正呀! 食醬油蟹點可以無紫菜飯!!!!!大大碗先夠呀! 當蟹膏遇上紫菜飯… 啲前菜小碟絕不馬虎,碟碟都咁好味!! 我地緊係唔止食醬蟹啦!仲有… 人參雞湯, 但個人認為佢人參味唔夠,個味淡啲,雞煮得過左火,老左啲… 最後仲叫左個醬燒牛肋骨 裡面足料架,大大粒紅棗,味道一流, 肉煮到入哂味,好嫩,味道甜甜地,帶少少燒烤味,一啲都唔辣,讚!!! 就當我食完諗住走既時候, 我竟然見到醬缸小食個老板娘係收銀處, 同醬缸個老板娘傾計咼… 原來佢地係friend黎架! 唔怪得知,大家賣既野食都差唔多啦。 咁以後…大家就唔駛排到傻啦 ^ ^ 其實,個人覺得醬缸小食既員工親切啲… 醬缸個邊食蟹都無人幫手,手套問幾次先有人理我地…so sad… 大家下次不妨過隔幾條街試下 「醬缸小食」啦!! ------------------------------- 價錢:♥ ♥ 上鏡度:♥ ♥ ♥ 浪漫度:♥ ♥ ♥快啲黎我地fb page like我地 攞最update既資訊啦♥ https://www.facebook.com/uptodateguide --------------------- 醬缸小食 佐敦吳松街159號地下 醬缸 佐敦庇利金街53號地下