[一like一動力]鍾意我地嘅請多多支持Facebook專頁!歡迎交流*v* https://www.facebook.com/uptodateguide 最近因為某電視台嘅一個健康節目,身邊冇做開運動嘅朋友都話想做下運動,話想行山,問我地有咩好介紹,即係要唔難行又有風景睇下呢?! 咁岩有讀者報料,推介左一條輕鬆、有靚景睇,仲有正野食嘅行山路線,連某收費電視台嘅行山節目導演都推介呢條行山路線呀,究竟係邊度呢? 呢條路線嘅起點係西貢西灣亭,經過西灣、咸田灣、赤徑,終點就係北潭坳啦! 由西灣亭行去西灣出發只需要1個鐘,呢度有好多好正既山水豆腐花食, 有凍有熱。 呢度仲有個好靚既沙灘, 清到見底架, 係香港真係好少見! 過左西灣,沿路直去, 你會發現有條比較難行既石崖路接上麥理浩徑,行 1 至 2個鐘,就已經到達第二個沙灘,咸田灣喇! 黎到咸田灣,一定要去最出名既安記士多喇! 又可以食喇! 連某個電視台既行山節目導演都形容呢條行山路線真係會愈行愈肥架! 食飽飽就可以係附近影下相,用玻璃樽堆成的藝術品真係好靚呀! 影完相就繼續沿住北潭坳方向行,大約 1 至 2 個鐘頭就出到去啦!不過係假期,北潭坳上車出鑽石山有好多人,可能要等成個鐘先上到車。 如果唔想等咁耐,可以行完赤徑之後直落黃石碼頭總站搭車架! 西灣亭交通:村巴或西貢市中心搭綠的,車費約 $90 價錢:♥♥♥ 豆腐花 : $10 安記士多:平均每個飯 $ 60、西多士 $ 30 、飲品 $ 20 上鏡度: ♥♥♥♥♥ 浪漫度: ♥♥♥♥ [一like一動力]鍾意我地嘅請多多支持Facebook專頁!歡迎交流*v* https://www.facebook.com/uptodateguide