今次係小女子第一次寫BLOG,希望資訊幫到大家PLAN行程啦! 三月中剛剛係塞班島返香港,去左五日四夜. 之前一直好少聽塞班島呢個地方,後來因為係HK Express買到平機票,所以先開展左呢趟旅程。去之前通常會做下資料搜集,可能呢條航線剛係香港開直航無耐,坊間比較少旅遊書及網站提供有關於塞班島的資訊。等我係到為大家介紹下呢個陽光與海灘既小島啦! 平機票其中一個缺點就係登機時間唔靚。由香港出發起飛時間為晚上九點四十分,仲因為香港航空交通擠塞,DELAY左四十分鐘先起飛,去到塞班島已經係早上四點。回程機凌晨十二時四十分起飛,早上五時左右抵達香港。 塞班島與關島相鄰,與關島之間還有北馬利安納的羅塔島和天寧島兩個島嶼,同屬美國領土。持香港護照去塞班島係唔需要簽證既,係飛機上會派發入境及海關表格,寫齊資料入境就無問題架喇.不過可能同時間有幾班飛機LANDING,結果等左超過兩個半鐘有多先入到境同拎番行李。 時差方面,塞班島比香港快兩小時。 貨幣,當地通用貨幣係美金。建議最好係香港兌左錢先過去,係當地比較難搵兌換店。 機場比較細,無咩餐廳。機場交通,當地無鐵路,亦唔肯定有無巴士。一般有飯店職員舉牌接送,所以上機前最好聯絡飯店安排機場接送服務。 市內交通,主要為酒店SHUTTLE BUS、自駕遊租車、的士。酒店SHUTTLE BUS一般都是免費的。的士收費比較貴,是按METER收費,起錶是USD2.5。我地曾經遇到一個很差的的士司機,恰我地係遊客,想呃錢話自己無錢找! 所以如果想搭的士,誠意推介以下呢位良心的士司機俾大家 BIJOY 電話號碼: 287-4940。如果大家無買電話卡可以搵酒店職員幫手,因為我住個間AIRBNB咁岩有電話可以打出去,所以無呢個問題,我地試過外出就係餐廳借電話。 語言,當地一般係用英文溝通的,有些飯店或者餐廳會有說普通話的職員。聽聞當地曾經由西班牙、德國、日本統治過,當地原住民會以塞班話溝通。 天氣, 塞班島屬於亞熱帶海洋性氣候,天氣溫暖,年平均氣溫28.9℃。全年陽光充沛,四季如夏,溫差較小,六點左右入黑,入黑後稍涼。遮陽帽、太陽眼鏡及防曬用品為必備物。呢到好岩鍾意陽光與海灘既人黎玩! 住宿、行程、點樣報TOUR、飲食等等,會跟住落黎詳細點講,請大家多多支持!