塞班島除左陽光與海灘之外,仲有咩玩呢? 登登登登,首推跳傘SKYDIVE!!! LOCAL TOUR報團一般可以係酒店大堂既AGENCY搵到相關既資料。不過我就推薦以下呢位神級導遊俾大家,就係四哥喇 (wechat:saipanchen),服務一流! 收費方面,其實都劃一收費,跳傘分左幾個高度,高度愈高收費就愈貴。我地揀左最高既4200米,即係一萬尺高空左右,收費連USB為USD518,原價USD528,因為幫襯四哥的其他LOCAL TOUR,所以佢收平左我地少少。四哥負責幫我地聯絡當地既跳傘公司預約及安排接送事宜。 一大早跳傘公司就會安排車接我地去跳傘基地。SKYDIVE是一樣好睇天氣的活動,天氣惡劣的話就不能夠起飛,因為有一定的危險性。所以建議大家如果想玩SKYDIVE就放佢係行程既頭幾天,即使當日天氣差都仲有幾日可以做後備。 去到跳傘基地,有講普通話同英文的工作人員既。工作人員會俾份生死狀你簽名,成本小冊子咁厚,要寫個人資料例如身高體重、地址、緊急聯絡人、要declare番你有無咩疾病、廿四小時有無食藥吖個d。 之後就會俾一段片你睇,教你有點咩注意事項,跳傘前係點,準備跳的姿態動作等等。睇完片仲有工作人員再講解。之後就會俾套衫你換,建議跳傘者著番波鞋,因為著拖鞋係唔允許既,仲有頸鏈、耳環、手錶、手鈪通通都要除落黎。 拍照同錄影就全部交曬俾教練。 天氣好好,景色好靚! 跳完教練會頒番張證書俾你。落地後,再搭番專車去跳傘基地,因為落點同出發的地點唔同。最後,工作人員就會俾番隻USB你同埋送番你去酒店或者down town。 一生人點都要試一次!