It’s time to travel!!! FF下咋....今晚只係去左食台灣菜 當去左轉台灣!HAHA XDD點擊圖片放大 新開既宜間桂花小幸台灣文青餐廳好抵食!今晚食到飽一飽每人平均消費$100有找,唔收加一服務費真係超好...慳番啲錢又可以飲到杯野喇! 滷水豬手麵骨膠原感爆登,麵條煙靭好有口感!唯一不足既係部份豬皮有豬毛。 鹽酥雞扒炸得十分香脆,炸漿好薄,滷肉飯伴有肥豬肉好惹味!味道沒有台灣吃到的那麼鹹,食哂成碗飯都唔會覺得十分口渴。 麻辣紅油水餃入口肉感滿滿,麻香味十分突出!入口先吃到辣味,再感覺到舌尖麻痺,辣勁十足唷! 桂花雞翼金黃香脆,雞皮富有牛油香味。醮上伴點醬汁,甜甜的,十分特別! 香濃珍珠奶茶超抵飲,只係$18!茶同奶既比例均勻,唔會遮蓋彼此的味道。珍珠中型size令口感更豐富。一杯700ml既珍珠奶茶竟然做到每啖入口都飲到奶茶同食到珍珠粒,真的超讚唷! 另一杯仙氣芒果茶也不錯,甜度適中,很清新。 熱飲綿花可可岩哂朱古力控!半溶既綿花糖增加左口感及飲品既甜度,甜而不膩,超愛呀!而且紙杯既花花設計很吸引,少女心爆發呀! 地址:桂花小幸-慈雲山毓華街23號慈雲山中心1樓107號舖 Contact Details: Email: foodiett@gmail.com OpenRice: https://www.openrice.com/zh/restaurant/userinfo.htm?userid=58704840 TripAdvisor: https://www.tripadvisor.com.hk/members/Foodietiff