點擊圖片放大 Yeah!!!屋企人生日,又有藉口放縱大吃一餐喇!哈哈!訂檯前,上網做左好多research,亦同之前吃過既酒店自助餐做過比較。最後決定一嘗這間開業約半年的酒店自助餐吧 !點解會揀宜間? 其中一個原因當然係因為有新鮮感喇!但最重要既都係因為俾佢嘅甜品吸引左呀!點擊圖片放大 +3 甜品櫃足足有十三款糕點...每款我都食哂喇!!!絕對係賣相吸引又好味嘅!除此以外,仲有朱古力噴泉、馬卡龍、窩夫、雪葩等等...簡直係甜品控既天堂呀! 除左甜品,刺身都係自助餐既大熱之選!刺身質素不錯,但種類就較少,只有吞拿魚、油金魚、八爪魚及三文魚。據觀察所得,最受歡迎既甜品部及刺身部常常出現輕微既人龍,酒店應該加聘人手令服務水平再升lv唷! 係刺身既另一邊,係韓國美食既主場!食自助餐有韓食唔出奇,但有石頭鍋飯吃都算有驚喜喇! 餐廳既另一角,好似去左麵包店!勁多...勁多...不同種類既麵包唷! 湯麵區材料冇乜特別,但勝在湯底吸引!有叻沙湯底...可惜我喉嚨痛,唔敢吃!So poor!>< 冷盤海鮮選擇唔算多亦唔算吸引,只係普普通通既蝦、蟹、青口及蜆。但值得一讚既係檸檬用布包裹,榨檸檬汁時唔怕D汁彈到四周都有。檸檬核亦不會跌出黎,so good!點擊圖片放大 整體來講,我覺得呢間酒店嘅自助午餐質素屬於中上。琳琅滿目嘅甜品,成功俘虜咗我既心唷!!!食飽飽,仲可以行出去空中平台欣賞維港景色同影靚相。呃like冇難道呀!Happy Holiday!^_^ FB會有短片睇唷!!大家快D Follow我喇!!!^^ FB: https://www.facebook.com/tititiffan/ 地址 :大灣咖啡廳- 紅磡紅鸞道38號香港嘉里酒店3樓 Contact Details: IG: https://www.instagram.com/foodiett/ Email: foodiett@gmail.com OpenRice: https://www.openrice.com/zh/restaurant/userinfo.htm?userid=58704840 TripAdvisor: https://www.tripadvisor.com.hk/members/Foodietiff