年零之前有朋友介紹過觀塘一間以運動場做主題o既酒吧餐廳, 有波睇, 有波篤, 有飛標機玩, 但觀塘對於我黎講都始終有d遠, 最近又有另一個朋友介紹左尖沙咀一間酒吧餐廳俾我, 一樣有波睇有飛機標有桌球, 而且野食仲好食 **************** 講緊o既就係o係諾士佛臺o既樓上餐廳酒吧Showtime Sports Bar Showtime地方都幾大, 佔左成層樓, 入面除左足球, 仲有播籃球, 網球比賽 薯片雖然要收錢, 但$20/2人, 而且係免費refill, 都可以接受, 薯片都夠脆冇受潮 No Way Out ($65) 16:30-21:00都係Happy hour時段, 酒精飲品接近半價, 都幾抵飲。我叫o既哩杯No Way Out係一杯有辣椒o既cocktail, 飲落有d辣辣地, 都幾特別 Shirley Temple ($40) 唔飲酒o既都可以叫mocktail。 墨西哥粟米片 ($68) 粟米片雖然係現成, 但以$68黎講都算大份, 上面有好多芝士, 酸忌廉, 肉碎, 三色椒, 個顏色都幾鮮艷 粟米片夠脆, 好惹味 炸洋蔥圈($58) 洋蔥圈炸漿唔會太硬同太厚, 蘸埋茄汁食, 正, 美中不足係油左d 意大利風乾火腿火箭菜薄餅($118) 薄餅係比較薄底o個種, 上面好多芝士, d芝士仲可以拉到好長, 好香芝士味, 風乾火腿唔會太咸, 整體幾好食 點擊圖片放大 卡邦尼意粉($78) 卡邦尼意粉雖然睇落唔係好多, 但一碟都夠2個人食, 意粉有d彈口, 幾好食 總結, 人均消費$250食到飽, 野食好食, 又唔會好似普通餐廳咁限時幾耐就要趕住走, 就算係咪為睇波飲酒, 都值得黎 味道: 4/5 環境: 4/5 服務: 4/5 衛生: 4/5 抵食: 4/5 食店: Showtime Sports Bar 地址: 尖沙咀諾士佛臺10號騰龍閣3樓 電話: 2388 9050 人均消費: $250