日期: 13-9-2014 事隔6年, 為左影煙花, 我終於再踏足哩片土地, 由於weekend過夜太貴, 都係決定早出晚歸算, 去程係9點尖咀去乙水仔的船(因為雖然早3星期買船票, 去外港碼頭亦只有8:00/10:00選擇) 點擊圖片放大 +2 第1站係安德魯的葡撻, 皮好鬆脆, 好好食 第2站係得個樣o既龍華茶樓 格局有d似美都 又貴又難食, 個排骨都仲叫正常, 個燒賣d肉係實o既, 仲要$25/碟, 茶位$15/位, 行到身上身汗又得風扇, 我都只係飲左一杯茶就算 第3站 花雕雞撈麵同蟹王撈麵, 花雕雞都幾雕, 不過d雞就鞋左少少, 又少肉, 蟹王撈面就好油, 睇見都得人驚, 不過d份量少到仲得人驚, 雖然每樣只係$2x, 但份量可能連香港一半都冇-,- 本來想搭巴士去西望洋聖堂, 但d巴士線實在太亂, o係搵唔倒巴士o既情況下唯有放棄, 最後去16浦個MJ館過下冷河先算 點擊圖片放大 過完冷河就繼續挑戰第4站, 好一般的蛋洽, 本來想叫烘底, 侍應話今日冇*0* 食完就去埋同o係10月5街o既第5站 哩度最出名都係蟹王撈麵, 所以就再試下, 哩間因為比之前o個間貴左1/2, 所以份量都多返少少, 麵質好似比頭先好少少, 不過都係咁油 試完老公o既葡撻, 點可以唔試埋老婆, 一樣咁好食 大堂 點擊圖片放大 天氣咁熱仲要行來行去, 第7站終於可以食返個雪糕, 哩度有好多特別味, 我揀左豬古力同薑味, 豬古力冇想像中咁濃(仲要+$5先有), 反而薑味有驚喜, 因為真係好薑XDDD 睇見都得人驚, 如果唔係為左影煙花, 真係冇乜興趣再黎 同大三巴只有5-10mins路程, 但如同o係另一個世界o既隱世杏仁餅店 買完餅就黎到玫瑰堂 入面都幾多遊客 但彌撒開始前半個鐘, 食蕉就開始清場, 只留下參與彌撒者, 第一次參加葡文的彌撒, 可能冇乜識葡文o既教友, 所以得好少人, 而且亦冇choir, 40mins就完成彌撒 之後就去新葡京拎返之前寄存o既腳架, 就黎一早托火星貧友book定o既第8站食晚飯 餐廳共分18:30同20:30兩場, 我book的係18:30, 但未夠鐘已有一炸人o係店外等入黎, 店面好細, 應該全部做booking客 附送的餐包外脆內軟, 幾好食 西班牙汁燴蜆, 個汁辣辣地, 味道唔錯 海鮮飯, 入面有半隻蟹, 3,4隻青口, 同無數隻蝦仔, 份量都幾多, 4人食o既話, 每人都分倒一碟 生果紅酒, 唔鍾意飲酒o既我就覺得幾難飲, 因為都幾重酒味, 反而lemon squash夠酸, 好好飲 食完飯就沿海旁行去影煙花o既地方, 雖然日頭又曬又熱, 但夜晚有風涼左好多呢 就咁睇距離新蒲京都唔係好遠, 但都要行4,5個字先到 搭正9點, 煙花正式開始了 點擊圖片放大 哈哈笑 點擊圖片放大 +2 最鍾意哩個好像瀑布o既煙花, 印像中平時初二d煙花未見過 點擊圖片放大 +5 因為今日的煙花只有1隊(中國), 所以21:20就放完了(之後2個禮拜都有3個國家-,-), 影完煙花慢慢行去新葡京過下冷河, 就等shuttle bus去外港碼頭了, 由於一架巴士只得20個位, 結果要由22:30等到23:15先上倒第2輪巴士, 雖然23:30已到碼頭, 但之前驚太趕, 所以買了0:30的船, 估唔到去到碼頭好多人影完煙花在等後補位睇下有冇得搭早d o既船走, 好彩最後一落船即刻有小巴, 2:00就返到家了