一直都覺得荷蘭係一個唔錯o既國家! 自從上年去過北歐旅行之後,就立定決心,下一個旅行,要暢遊荷蘭! 因為上次因為時間有限,所以只係去左荷蘭的 Zwolle ( 2日1夜) & Giethoorn ( 3日2夜) 。 荷蘭羊角村,真係好似入左一幅圖畫裡面生活 點解會叫「綠色威尼斯」?因為水面映射的都係一幢幢綠色小屋的倒影。 這裡房子的屋頂都是由蘆葦編成,比任何建材都耐用,使用年數至少多40年以上,而且冬暖夏涼、防雨耐曬。 點擊圖片放大 +2 本身依個地方,都係好多荷蘭人黎渡假o既地方, 黎到羊角村,必試o既一定係 自駕小木船!!! 因為依度係由水道圍著整個羊角村,所以遊客可以向民宿或者專門租船小店查詢! 價錢係 10 歐元 1 小時,附送埋水路地圖教你點駕駛! 我仲好記得,本身都有D驚,因為上船準備出發前,個店主同我講小心條河有鱷魚 嚇到我成程都有D怕....到最後我划完還船之後,佢同我講只係講笑.... T_T 問我 " Hey , Did you enjoy? " 其實仲可以踩單車!不過依個我唔太建議, 因為羊角村內的行人路很窄,而且都好多遊客...又有好多旅客都係帶住行李箱, 踩單車都唔可以好暢快,而且又會造成阻塞。。 所以我本身都喜歡踩單車,都無租,留番係哥本哈根踩 :P 而住宿方面,我就住左依間 " Bed en Breakfast ‘t Wiede " € 65,– per room (2 persons),包埋早餐。廁所好大間,好乾淨,但係要共用~ 個 host 都好nice,係一對中年夫妻,早餐都幾豐富,有唔同選擇 有一日早上,有2個荷蘭人知道我地係香港黎 等埋我地食早餐,話一齊傾下計,仲show俾我地睇荷蘭人通常係屋企食早餐點樣剥雞蛋食!!! ( 哈哈, 唔知個頭痛唔痛呢... ) 而食野都幾方便,裡面食一餐又唔算太貴,都係歐洲生活水平價位啦 可以試下有間餐廳,係飲到荷蘭羊奶湯...係裡面食晚餐都幾有情調 點擊圖片放大 實用資料: 交通 羊角村距離阿姆斯特丹約 120 公里,一般純荷的團體旅遊行程都有包括在內。而自行前往的遊客,可以褡火車到steenwijk站下車,然後再轉搭70號公車或是treintaxi到達。 最後,建議大家玩3日2夜,因為2日1夜,我覺得唔夠時間享受 希望你地都有機會黎依個地方, 因為,真係好靚架!:) 一世難忘! Blogspot: http://sunnydaygogogo.blogspot.hk/