星期一至五都要返工，有時工作會令人感到好累 好似對生活失去左一份熱情，會覺得苦悶... 所以呢，以免自己會有依種頹氣， 一定一定要定時走出大自然、郊外地方走走， 輕鬆一下，可能只係躺係草地上訓個覺， 又或者漫無目的咁行下，彈下 Ukulele ... 個人都放鬆D 啦! 星期六下午，約左友人去佐敦谷公園！ 相信對好多香港人都唔陌生， 因為依度愈來愈出名俾一家大細，週日黎野餐郊遊 依度出名係唔出奇的，因為: 交通方便，係彩虹，牛池灣街市( 彩虹站B 出口) 對出搭10-15 分鐘巴士就到 ( 有咩車去到? ) 如果親子樂一日遊，又有車位泊車 地方又好大，周不時都有微風吹下，又有好多花草榭木， 雖然陽光猛烈，但總有陰暗遮光位置 設施又完善，廁所乾淨... 所以，好適合一家大細黎玩！ * 由正門入，眼前已經係一遍大草地。之後繼續行入去，係有好多個草地區架! * 由於整個公園都設有緩步徑，有不少人都跑步的，所以大家要穿過的時候，就行快少少，咁就唔會阻到跑步人士,又唔會有碰撞啦! :) * 行入少少，有一個涼亭，唔想坐係草地，都可以諗下坐依度～都幾舒服架！ * 因為今次野餐無特別準備，都係係牛池灣街市附近超級市場買些零食，飲品水果，就黎依度喇！ * 小朋友又可以黎依度玩下設施，望到都開心！ * 如果怕曬，都可以帶私家帳篷黎，避下暑。 點擊圖片放大 如果覺得去離島地區比較遠，黎市區的大草地休息下，玩下都幾舒服同開心架！ 唔講唔知，其實佐敦谷公園前身係佐敦谷堆填區，經過綠化之後， 就變左依家一個又靚，又乾淨，適合一家大細黎玩o既好地方! 晴天出發GOGOGO Blogspot: http://sunnydaygogogo.blogspot.hk/
