2013年的5月,花了港元 $19000,在歐洲北部玩了24天! 這個價錢已包括了來回機票、住宿、交通。而且,每餐都不用捱麵包,節衣縮食的!可能有人仲會玩得平過我,但我已經覺得這個花費很合心意了!咁究竟去歐洲,點樣可以咁平? 介紹一個秘訣,就係入住 airbnb ! 之前住過柏林,漢堡..丹麥...一間二人房,近市中心,平均係 HKD $ 300~ $350 一晚。平均每人只需$200之內一晚,算是不錯了。可能比青年宿舍貴一點,但一間房住6~8個人,而且是來自世界各地,我就比較喜歡airbnb,有自己獨立的空間。:) Airbnb 小介紹: 旅行者以任何價位享受到Airbnb在全球190個國家的34,000多個城市帶來的獨一無二的旅行體驗。意思係,旅行者可入住當地居民o既住所,可能係租一間房、或者整個 apartment ,有機會同住,有機會係整間房子都由你住。 依次旅行,我去左幾個城市,如德國柏林、漢堡、弗倫斯堡、不來梅、漢諾威、有丹麥哥本哈根、荷蘭茲沃勒( Zwolle ) ....都住過 8 個不同城市的 airbnb。而全部都係住係當地居民間屋,佢地都會分左一間房俾我,好幸運,遇上的8個 host ,都是非常親切、有善! 坦白說,這是我第一次使用 airbnb 服務,因為我都擔心過唔知屋主係咩人 會唔會好危險…又唔知個地方難唔難搵…但最後,這些憂慮都只係憂慮, 我揀的地方住所好安全、舒服,屋主會有禮貌同我去交流文化, 大家會一齊食早餐、有屋主會因為客人來,準備定蛋糕去招待… 有地圖介紹佢地個城市有咩好玩好食…實在太窩心了! 當然,我唔敢擔保每一個 host 使用 airbnb 的服務都是百分之百安全同有善 所以,我有些心得分享: 1) 睇評價 我盡量會揀一些地方,是多評價,又是正面的評價為首。睇下唔同世界各地人士對個屋主有什麼滿意同不滿的地方。 2) 屋主的介紹 至少起碼了解下屋主的背景。睇下佢資料,同埋佢有無特別要求或者限制。如果係歐洲地方,我會留意埋屋主識唔識英文,因為我上次去到德國弗倫斯堡,屋主是德國人,只懂德文,連簡單的英文也不太懂……所以問,例如『毛巾放哪?』『附近有超級市場嗎?』這些…他都聽不懂,而我當然亦唔識德文…最後只係用 google translate 對答…哈,都有D 麻煩 睇 埋由 airbnb 公司核對屋主的身份, 咁就對自己有個保障啦! :) 3) 地理位置 住宿近唔近名勝景點同鐵路站,都係我考慮之一。特別外國地方好大,要睇清楚個地理位置近唔近自己想去個個地方,因為有時同一個城市,但個價錢係相差幾百。有時唔好因為貪平,就即刻預訂,做多少少資料搜查先! 4) 同屋主溝通 每間屋都會有個 available calendar , 有時雖然搵到一間心儀的 host, 但原來屋主唔得閒出租, 都無辦法! 但有時原來屋主無 update 個 calendar , 所以D 日子都未必準確! 所以, 我通常都會 親自 inbox 屋主, 問下段時間方唔方便入住! 佢ok , 我先會預訂! 到差唔多出發, 我亦都會再同佢講聲 ( 因為有時屋主會忘記左架 ) ! 如果你提交預訂請求而屋主原來無法出租,餘額將在48小時內退還, 所以唔怕! :) 我最喜歡 airbnb 的地方, 除左因為價錢得宜之外, 最主要可以住下每個國家城市,唔同o既屋,好多都有家的感覺 而且可以識下唔同人,佢地多數都好 nice, 可以了解多D 個城市故事, 文化 ! 所以, 喜歡 感受下 , 同唔同城市人去交流o既朋友, 可以試一試 airbnb 丫! :) 分享我之前係 Holland Zwolle 住過間屋!好舒服!! 屋主係一位教師, 好熱情分享 荷蘭文化同 歷史! 我住係閣樓上的一間房, 好乾淨! 好舒服 :) 點擊圖片放大 +3