自從中學讀GEO認識左呢個地方之後, 一直都好想去 好可惜, 其實香港d旅行團都唔平 (打算同屋企人去, 所以都會留意旅行團) 今次, 因為喺馬代認識左四川姑娘, 所以時間夾好, 好快就決定左要去啦! 2014年9月18-24日 因為就自己既日子, 而且亦都冇特登等特價機票時候買, 所以機票都要成二千一蚊! 我坐HK Airline放工就出機場, 結果班機delay左一個鐘, 都仲合理既 去到已經好夜啦, 已經過左夜晚十二點啦! 不過好友當然都一直喺機場等我啦!! 喺成都, 我住既地方就係友人屋企.我知我咁樣講唔係咁好, 但我必須要講, 今次真係中伏了! 自問我都係吃得苦既人, 鄉下環境唔好, 去旅行有時亦都因為旅費既問題而住非常麻麻既地方 今次呢個地方真係令我有點兒O咀. 當然就冇屋企既模樣啦! 佢同佢一位同事(我都識)一齊合租左一個單位, 一人一間房,冇廳, 個廁所係MOU廁, 而成個廁所亦只有一個MOU廁咁大! 即係企喺上面沖涼...唉我都唔想諗啦, 總之就係好差啦! 硬住頭皮咁住左一晚.... Day2起身第一時間去salon洗左個頭, 舒服! 呢日都係行成都既景點, 我係完全冇做過功課, 全由友人決定帶我去邊! 去左寬窄巷子, 錦里, 叫做古色古香得黎又好現代化咁! 黎開成都我覺得都可以抽時間行下呢2個地方. 都有d特色既, 亦有d小店可以行下, 仲有d手工藝品, 有個啊叔吹麥芽糖睇到我呆左!! 喺一間好似古時既小店食lunch, 好有feel. 其實行完之後仲有時間, 所以就去左dup骨! 夜晚就食我最期待既麻辣火鍋啦! 結果當然好食啦, 但冇想像中辣! 之後就去左放天燈, 當時係中秋, 所以好多人放天燈, 好開心! 本身好想去唱k架, 不過呢晚都係早d番去訓好, 因為第二日一早就要出發去九寨團, 所以乖乖地啦! 點擊圖片放大 +4 Day3 天都未光, 仲落住雨, 我地就要出發啦, 被pick up之後, 等左都好一陣, 一團廿幾人左右就開始我地既旅程 大巴一路咁攀爬, 幾個鐘之後, 我就投降了. 個頭勁痛, 又開始高山反應啦! 只可以話我真係需要太多氧氣, 當大家好開心行黎行去既時候, 我勁痛苦坐左喺度 捱到去酒店度我根本係勁崩潰, 又凍, 又大力, 個頭想爆炸咁, 勁冇心情. 到酒店其實係大概五點幾, 夜晚suppose係要去食飯同埋唔知參觀乜野, 但我基本上求其沖左個涼就訓了 dinner都冇食, 一直訓到第二朝.... Day4 呢間酒店算好近九寨溝, 但都要坐2個鐘車先到, 重點九寨溝真係好多人, 等環保車都要等幾架先上到! 去左最頂果個原始森林, 其實就冇乜特別既, 所以慢慢行番落去, 就不得了啦! 佢d名我已經忘記得七七八八啦!咩咩池, 咩咩海! 藍藍綠綠, 非常impressive! 非常亮眼! 其實叫我花一整日就咁對住個湖都得!不過地方咁大, 時間又咁少, 一直都係趕路mode. 行落山, 再見到d瀑布! 好近, 所以好正! 好爽! 行九寨溝都幾辛苦, 下下搭車又懶得等, d站又唔算就腳, 但自己行又夠攰, 最後當然仲有d地方未睇晒, 但起碼最想睇既都睇左啦! 之後就慘啦, 被帶去藏族人屋企參觀, 要飲唔知咩茶唔知咩酒, 我就無能為力啦 -.- 仲有d好奇怪既小食, 跟住睇下佢地表演, 唱下歌, 佢地賣下自己既CD lol 圍圈跳下舞咁.. 諗住結束既時候, 我地呢晚住既酒店, 真係好殘舊 其實我都知唔可以expect d咩, 但冇諗過咁慘 食餐dinner真係是但食左幾粒飯喳, 真係冇眼睇! 算啦, 都係早d訓 , 第二朝要去黃龍. 點擊圖片放大 +2 Day5 去得九寨溝, 就一定會去埋黃龍啦! 去之前, so sad, 被迫去買銀器, 跟團就係咁, 要做下d唔想做既野. 聽個藏族姐姐講左一大堆銀器點樣可以醫病, 要黎括沙, 吸毒等等好多好感人既故事 當然有d傻仔會信啦, 而我地只好on居居咁等d大媽去到邊買到邊! 其實呢個小鎮好可愛, 但都係錢作怪, 令人放棄簡單純樸既生活 等緊d大媽果陣仲見到隊AUDI車隊, 你話死未 -.- lunch完我地就直搗黃龍啦! 首先坐個纜車上去, 但其實都仲有勁長既路要行! 有凍, 行行下又慶, 跟住又落雨, 都幾麻煩! 再加上高山反應既因素, 令到更加辛苦, 只可以好慢咁行! 而且都攰到冇乜心機講野啦, 又多人行, 所以一路聽住歌等自己心情好d!! 去到先發現, 其實黃龍係一個小型既棉花堡. 不過係黃咁咁既. 天氣就好似相入面咁, 煙霧迷漫, 好夢幻, 好神秘. 別有一番風味!! 點擊圖片放大 +6 Day6 番成都啦!! 中間又停左一個呃遊客既地方, 落住雨都幾狼狽 番到成都食番餐好, 四個女仔, 聚下舊, 吹下水, 好開心 Day7 一早機番香港 點擊圖片放大 +2 九寨溝喺我心目中係應該好震撼地靚, 但係事實卻非如此 想像可以好美, 但往往同現實有出入 呢次旅程, 因為環境, 同埋身體關係, 真係一d都唔簡單. 但人生就係咁架啦, 唔一定所有野都會黎得好順利, 無論如何, 都會有佢既可愛之處 得到幾位朋友既照顧同埋愛, 我好幸福 事事都以我為先, 擔心我食唔好訓唔夠, 我, 其實真係好感恩.