尖沙咀真係幾多野食下 今次朋友就提議去試下位於金馬倫道既泰園 泰園既裝潢格調高尚而又不失泰國色彩 各種泰國擺設增添不少泰意XD 先來泰式酸辣鳳爪$68打開胃口 Rossana超愛其酸甜咸辣既4重味覺享受 最重要係無骨,食都食得趕快些 食泰國野就緊係要食生蝦啦 睇下條蝦尾!!!嗯...同平時食既唔同喎 泰園用既係較名貴既新鮮海蝦唷~ 晶瑩剔透既海蝦夠曬冰凍, 肉質緊實富彈性,味道爽甜鮮美 配合生蒜和秘製生蝦醬,充分帶出蝦肉的鮮味 哈哈...食泰國野有埋刺身食都真係唔錯 帶子刺生 $176 和蟶子 $35/隻 帶子粒粒都好鮮甜厚身 蟶子肉嫩肥美,鮮甜爽口~nice!! 活立魚刺身 $515 Rossana本身唔係好鍾意食魚, 刺身都會食下,但腥既就一律唔洗預我 但呢條活立魚刺身就真係堅推介!!! 先唔講味道...鮮就硬架啦~ 要讚一讚cfu既好刀功,每一片既厚度都幾乎一樣 還用魚片砌成一朵玫瑰,見到已心花怒放 最重要係極新鮮原全唔無魚腥味!!! 食食下朋友都勁出奇點解我會大快朵頤食不停口XD 最具代表性的泰式海鮮湯品當然係冬陰公海鮮湯(大) $196 辣椒既辣味;檸檬與番茄既酸香;椰汁既清香加埋大蝦 香味濃鬱不會太辣,冬天暖胃佳品 泰式海南雞 $140 雞油波波香飯 $36/12粒 Rossana都幾鐘意食海南雞的 泰園既海南雞,雞件嫩滑 而重點落於雞皮好似用左香茅和薑等熬製??! 口味充滿層次!!!!齒頰留香 而雞油波波香飯,飯粒應該是用上較優質既茉莉香米?! 因為飯粒即使搓成波波,飯粒依然粒粒分明 啖落香軟鬆滑,風味鮮甜 女生們還可以一啖一口,有趣又方便更不失儀態XD 泰式炒大頭蝦 $238 簡直係我既大愛,起初以為好辣 原來是用左帶甜既辣椒膏來炒, 大頭蝦頭滿滿既蝦滲出微辣既舌尖衝擊, 刺激胃口回味無窮 泰式炒咖哩蟹 (約一斤) $288 咖喱入饌既肉蟹,蟹肉吸收了香辣滋味,惹味誘人 蟹鉗啖啖鮮甜肉蘸滿濃惹醬汁,一啖香辛滋味即充斥滿腔 加埋椰汁花奶突出咖哩的香濃, 同時令咖哩汁顯得柔和順滑 而蛋汁埋芡使咖喱的味道更富層次 咖哩炒大頭蝦 $238 黃咖喱色香味美,大蝦頭大多膏 識食既就一定食個蝦頭!! 油泡大頭蝦鎖住肉汁,肉質彈牙 黃咖喱汁配卜卜脆的蒜蓉包,原來好味到誇啦啦呀~~~ 泰式生醃蟹 $198/ 2隻 Rossana無打錯,真係咁抵食呀 食材更用上新鮮既三點蟹,蟹肉質感像啫喱般輕軟 輕輕吸吮便滑進嘴裏 蟹膏和蟹肉經蒜,辣椒,酒,魚露等醃製 每一口都甘甜鹹鮮,簡宜係人間極品 最後當然要以芒果糯米飯結尾 泰國長糯米,吃起來很煙靭 個人就比較喜歡黑糯米,配濃濃椰漿和香甜豐滿芒果 簡單結合互相融化,味蕾湧現出滿滿幸福 泰園款式卻相當多元化,環境又舒適 價錢沒想像中般貴,成班嘩鬼大吃大喝, 開開心心就過左一個美好既晚上 歡迎加入FB 小懶貓美妝生活堡壘 (<=按我) 也可於FB / weibo 加我好友 ^0^ https://www.facebook.com/stitchbeauty http://weibo.com/stitchbeauty email : stitchbeauty@gmail .com 也歡迎瀏覧其他網址 fanpiece 頭條日報blog city The Ztyle Beautylife MyAge Beauty Exchange Fashion & Beauty she.com Qooza Ubeauty glamablog sina shewin Blogspot saladblog ELLE styleups esdlife wretch BlogDB Qooza Beauty WeShare tryit 博勢力 seewide itrial cossip 3windowshop