終於都試到LittleBao啦~雖然唔係咩新野,但之前見過人地post過個Ice cream Bao 之後,一直都好想試下!不過地方都真係幾唔就腳!中環行過去上環,重要行條長命斜!係正PMQ最上嘅出口對面!不過為咗食,無計啦 原本以為little bao係食啲迷你漢堡仔,最有特色都只係雪糕包,但睇下menu先發現原來無咁簡單!先講講個沙律 Sesame caesar 原來入面係加咗豆豉鯪魚!但食落鹹鹹地有啲豆豉香,再加埋煙煙韌韌嘅鮻魚,又幾過癮wor。之後小食就有Truffle Fried,除咗松露味夠香之外,同樣加入醃黃瓜同炸乾蔥等中式元素 至於包包類,我就試咗Fish Tempura Bao 炸魚天婦羅包,魚肉夠嫩滑,脆皮超鬆化,醬料方面加入咗香草,重有少少辣,帶有泰國風味 最後當然必試佢地個Icecream Bao 雪糕包,有Salt ice cream w/caramel(海鹽焦糖)同Greentea w/Condensed milk(綠茶 煉奶味)兩款選擇。兩款嘅包包都經過炸過,有啲似炸饅頭,雖然比較油膩,但好香脆~前者味道會清淡啲。而後者就帶淡淡嘅綠茶同奶香,相比之下後者會甜少少 總括黎講食物幾有特色~不過價錢稍貴,主要因為包包類都幾細個,對男仔黎講可能唔多夠食,要叫多兩樣野先夠飽 Little Bao 中環士丹頓街66號地下