韓國是酒鬼的天堂 最近귀요미同香港嘅朋友傾開計 先發現原來係韓國呢邊飲酒係平過係香港嘅多多聲 係尖沙咀酒吧開一支青島都要成八十銀 如果要tequila 6 shoots嘅話更獅子開大人到要二百幾銀 仲有귀요미聽朋友講係香港啲club開張枱 五千幾銀係起點 唔好講係酒吧同club 聽講係呀誠哥間雜貨店買支港版燒酒都要成廿幾銀 更加唔好講係韓國餐廳一支要成40銀 귀요미知道之後真係嚇到個心都離一離 係韓國中上級數嘅酒吧開一set六支啤酒都只係要₩35000- ₩45000 即係只係大約港紙$250-$320左右 一set包括六支啤酒同一大碟nacho加一樣小食 如果要開tequila set嘅話₩89000 即係只係大約港紙$630左右 但係重點係韓國一set酒咁開嘅話係包括一整支tequila加兩罐汽水, 仲有一大碟生果送同埋一大碟nacho送的 仲有檸檬同鹽係免費任拎嘅 其實唔單止係tequila 係韓國有好多洋酒都係呢個價 例如vodka呀malibu呀都係咁平 仲會跟set送2大瓶橙汁同提子汁 如果只係去啲中下級數嘅酒吧 價錢仲可以再平啲 仲有韓國嘅club 귀요미之前有個post都有同大家分享過開一張枱係幾平 唔好講開枱 係韓國嘅club點tequila 6 shoots都係只要₩10000-₩12000 即係只係大約港紙$70-$84左右 至於韓國嘅燒酒真係平到你唔信 一支最普通嘅燒酒係便利店買都只係要₩1000左右 大約港紙$7左右 依加最hit嘅水果口味燒酒係便利店都只係賣緊₩1500一支大約港紙$11左右 就算係餐廳點燒酒₩2000-₩4000一支即係只係大約港紙$14-$28左右 귀요미覺得韓國真係酒精同好者嘅天堂 唔怪得之韓國有咁多人係酒鬼啦~ 귀요미上 Facebook: www.facebook.com/specialkoreadaily IG: specialkoreadaily 另外如果大家有啲害羞,,唔想開名,, 但又想知一啲"特別"嘅韓國資訊 或者有任何其他問題 就可以通過下面嘅link隨時問我哋啦~~ ask.fm/specialkoreadaily