又去滑雪? 之交換食宿(HelpX) 有去過澳洲working holiday既朋友仔應該對Help Exchange一詞唔陌生。係咩黎家? 交換咩呀? 我之前會講笑話係出賣你既勞力(如果係男既,喺農場咪擔下抬下;女既就執下屋煮下野食同小朋友玩下)去換取免費食同住。以我喺澳洲既經驗黎講,有人視佢為體驗唔同國家/背景既文化交流、認識朋友既途徑/方法。亦有人視作為慳食宿錢既方法,因為喺澳洲搵工,除非你好彩每份工都接住黎做,如果唔係要等兩三個禮拜或以上又可能冇從入手做咩好,D人就會搵換宿hea下,起碼唔駛支出先。 第一年WH既年我都有試過,夾埋住左個半月,去左4個家庭(都係喺Perth)。支出:除左搭入去同返市區既巴士錢之外,我幾乎冇用過錢,因為24小時都對住佢地,好定唔好見仁見智,我覺得好人地又未必覺得好,好似有一個農場我stay得不知開心,同D細佬哥(兩個女仔一個9歲一個7歲+一個4歲男仔)相處得好融洽,打掃屋企之餘又陪佢地玩(踩單車、跳彈床,問你死未?!),整蛋糕整餅呢樣果樣… 但後來再有兩對香港情侶stay同一個屋企,佢地對呢一家人既評價同開心程度都好似冇我咁高,所以有時真係… 由於大家(其他台灣們既朋友)都冇日本既working holiday visa,唔能夠名正言順咁喺雪場又打工賺錢又滑雪過足癮,唯一既方法就係打工換宿,情況同啱啱介紹過既澳洲類似,因為唔存在金錢既交易,所以… 其實有灰色地帶既,加上聽聞日本連咁樣都唔容許所以唔再多講啦… 不過喺澳洲換宿既我係開心既,因為打掃都係屋企,攰極有限,而佢地對外來人都好友善好好,會傾計有交流,而我喺日本既換宿係民宿,有12間房,所以… 想死… 等等再講…