情人節正日約左一大班情人知已共聚 第二日,當然要即刻去補番餐情人節餐啦~ (點會少得我地既愛情結晶品~XD) 係官塘搵食,想搵間有少少情調既餐廳其實都幾難~ APM 間間餐廳都嘈到暈,又多人,無事無干我都好少去~ 反而係APM 隔離既 OPC (ONE PACIFIC CENTRE ) 就係我近來的首選 不論係酒樓,餐廳都少人過APM, 無個種打仗既感覺~ 情人節,當然要揀番間啱FEEL 架啦 Manhattan Grill & Bar 餐廳一分為二 以一個長長的MANHATTAN 夜景將兩者串連起來~ 入門口的一邊係一個長長既吧枱同高櫈,走酒吧格局 另一邊是FINE DINING 的地方 不過枱櫈既配搭感覺似茶記多D~ 如果唔用呢D枱櫈,真係似番FINE DINING 既地方囉~ 出面仲有戶外用膳位,可惜當晚無開放~ 睇番MENU,呢度既BEVERAGE 真係超抵,四十幾蚊一杯DRINK HAPPY HOUR 3-8PM HOUSE RED 都係45蚊杯~ 平時收工黎呢度坐下吹下水都好~ 而且睇佢既吧位擺位同COCKTAIL 類,估計呢度既BAR TENDER 都係有番咁上下資歷 唔同時下個D 乜鬼都MIX 可樂, JUICE 又一杯個D新仔~ 另一邊就係一個長長既半開放式廚房 在暗黑既環境中一線柔和的光明 好似浮沉在大海中見到的一線曙光 (搞到我成餐飯都望住佢~XD) 相比起BEVERAGE, 呢度既MAIN MENU 價錢就正常D 走番普通西式餐廳既價位~ 懶人如我,當然就係點套餐啦~XD 右手邊呢個2人餐~ 包括APPETIZER, SOUP, MAIN COURSE, DESSERT 同DRINK ~ HKD 548 ~ 坐低後,待應送上了一杯熱水,是堅熱呀~ 有煙的~ 可能佢怕我凍掛~HAHA 之後好快就黎左餐包~ 包是熱的,而且仲有MUFFIN 呀 (感動 T.T~) 阿囡超開心,自己食哂成個~@@ 感覺個MUFFIN 是自家製的,外脆內軟~ APPETIZER 是凱撒沙律伴挪威煙三文魚~ 作為顧客,我好開心有咁大塊既芝士片~ (但我老公話覺得太大塊,以隻碟面咁細,唔合比例,餐廳COST 又高左~@@) 凱撒沙律係我至愛,菜很新鮮,個沙律汁份量都適中 煙三文魚望落既色澤好靚~入口質感不俗,唔會霉霉爛爛~ 最驚喜係個麵包粒,唔係用死硬實來貨,而係自家製架~ 香脆,鬆化,(阿囡當然又爭住食啦~HAHA) 湯係野菌蟹肉忌廉湯 蟹肉係拆肉出黎個D真蟹絲,唔係一舊舊個D麵粉偽蟹肉 野菌打爛,但刻意留番一粒粒保持口感,亦無刻意加入麵粉結成糊 連平時唔食蔬菜類同唔LIKE飲湯既囡囡都搶住飲~ 好想問下師傳呢個湯點整~~返去整俾阿囡飲~ 我既主菜,揀左呢個扒大蝦伴扁意粉 呢個賣相好得呀,係咪好似睇緊法國飲食節目咁呢~HAHA 大蝦係用坑爐燒熟架,唔係烚熟再燒2下個D,所以傳來陣陣BBQ既香味~ 其實全用坑爐燒的蝦好易分,通常會背脊位較熟 而且蝦尾位會有燒焦~ 扁意粉內加入左紅辣椒粉同多種香料,超級香辣惹味~食到唔停口~ 其實呢個意粉本黎係諗住點俾阿囡食,餐牌都無寫係辣 建議餐廳要加番隻辣椒落個MENU 度,或落ORDER時向客人講清楚 甚至可問清楚客人對辣的接受程度而作出調較~ 始終呢個辣度唔係平常人接受到~ (重申,我係好LIKE的~HAHA ) 老公係牛魔王,無牛不歡 所以就算另外加50蚊,都要呢個美國一級肉眼扒~ 呢個扒當然都係全坑爐燒熟,所以肉味中帶有BBQ獨有的焦香味~ 而且肉眼扒無落鬆肉粉,唔會"入口即溶"。亦很有牛味~ (家下想食到有牛味既扒其實都唔易,好多肉就被人工修飾過,變成一堆爛肉,方便大家入口) 就算連伴菜既薯仔,蕃茄仔等都全部坑熟架,真係好有心機~ 唯一美中不足係個燒汁,太過稀之餘亦太濃味~ 連一向重口味既老公都頂唔順~XD 飯後的指定動作,熱咖啡 呢度既咖啡有番咁上下水準 見到個層半停既咖啡油就知唔會差得去邊~ 齋啡,味道偏淡口同甘香~ 加左奶同糖就出事,浪費了一杯好啡~ 因為用鮮奶,不單遮蓋哂咖啡既甘香 更令到咖啡淡而無味~ 強烈建議呢杯咖啡一定要齋飲呀~ 如果齋啡配搭埋呢個特濃朱古力餅加雪糕就超正啦~ 初上枱時以為係Brownie ,即刻滯左 (超怕甜到嘔既BROWNIE 囉~) 點知食落後發現原來係兩回事 呢個朱古力CAKE 係HOMEMADE 架,所以好新鮮,好軟熟 唔太甜,陣陣朱古力香味配合雪糕食一流~ 初頭上網睇過食評都係麻麻 但今日親身體驗又係另一回事 可能當日唔太滿座,所以服務都好到家 我有小朋友,又轉椅,又拎幾十次刀叉碟匙,佢地都無黑面,仲好好招呼 而且感覺食物好有誠意,除左好多都係自家製外 連煮食手法都好傳統,唔會貪快偷工 很欣賞這種對食物的堅持,希望能一直堅持落去~ 如要聯絡本人,請電郵至:smonkichi@hotmail.com My Blog Link : The Ztyle Beauty Qooza She.com U Beauty Blogspot Beauty Exchange