話說, 係官塘既x仔米線搬左 樓下個間又難食到死 同學仔媽媽介紹去呢間 雲南啊老表黑羊湯鍋米綫 因為係工廠區,似工廠食堂咁,所以唔算叫靚裝修~ 呢度以食米線為主 主打係羊肉 (有分帶皮同淨瘦) 價錢都係街坊價,特別係小食,好平,十幾廿蚊就有交易~ 飲品都係平價,跟米麵仲有半價添~ 是夜2大1小,叫左2個拉麵 半肉帶皮大碗 HKD 49 真係超超超大的一碗 米麵好滑,淋身但唔會爛溶溶 湯底幾清甜 羊肉是碎切上的 (我以為成舊添~XD) 雖然有少少皮,但食落唔覺肥膩 真係有草羊的味道~,而且肉都好嫩 份量真係勁大碗,食極都仲有呀,真係2個人SHARE都夠~ 再黎一個細碗的牛腩米線 HKD 37 牛腩係清湯腩,味道比較清~ 牛腩不過不失,都係羊肉惹味dd 媽媽叫的小食滷海帶 HKD 18 份量又係勁多喎,呢度既小食價錢平又大份,真係好抵食 海帶好清爽,個名叫滷海帶,但食落有少少麻辣味的~ 我最愛的拍青瓜 HKD 19 份量都係超大份的,我選了不辣 清清爽爽,好啱用黎清胃口 呢度最正既係有好正宗的辣椒 呢度係四川鋪頭特有的辣椒 比平時食開的多了份香料的清新 配合米線食,就係最正宗的雲南風味 平時大家成日去食個D X仔 / X哥米線,其實咪又係車仔麵 想見試下咩叫正宗雲南米線,就要黎呢D小鋪試一試啦~ 雲南啊老表黑羊湯鍋米綫 觀塘觀塘道472-484號觀塘工業中心一期地下D舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share