見到囡囡溫書咁辛苦,黙完書,當然要黎抖下先 食番個最愛的小籠包 餐廳走新派懷舊路線 即係懷舊風加入現代設計囉~ 當然唔係老土個隻啦~ 枱幾大張,有梳化位同卡位 卡位同前後相隔,私隱度都幾高 總括而言,都幾舒服,幾好坐 選擇都唔少,仲有好多傳統的上海菜 想抵食D既,仲有2/4人餐添~ 今日我地就散叫 韭黃鱔糊 HKD 84 其實平時我係唔食鱔的 但上海菜的鱔糊我就好鐘意食 (到依家都諗唔明點解會叫糊~@@) 呢度既鱔糊味道都幾正宗,濃油赤醬 用既鱔雖然細條左D,唔算好厚肉,但份量都幾多 當然,仲有我最愛的大量爽口韭黃啦~ 鎮江排骨 HKD 49 又一上海菜至愛 (同埋係阿囡既至愛) 49蚊黎講,份量真係幾大 味道甜甜酸酸,兩者取得平衡,唔會偏酸或偏甜~ 好好送飯 肉的話略嫌乾左少少,但可以接受~ 食過傳統,來個創新 黑松露拌麵 HKD 58 有少少FUSION 菜的感覺,松露醬配上上海麵~ 超級大量的松露醬 (平時食意粉,得個指尖份量~HAHA ) 麵的味道和香味來自底的松露豉油 要讚下呢個麵,香滑爽口 入口口感一流~ 撈埋松露醬和豉油,超級惹味~ 豉油味道都幾濃,可以的話,分開上,自己控制份量會仲好~ 上海擔擔麵~ HKD 52 叫左少辣,食頭幾啖好似無咩料到 但食多幾啖就FEEL到後來有辣勁 擔擔醬料都幾足,花生味好香 湯底的話,略嫌太過漿口,有D膩 麵和松露麵的上海麵係一樣, 用來煮湯的話,口感滑左,依然煙韌 鮮肉小籠包 HKD 38 / 4 件 這個小籠包,上枱望到個賣相已經知道會失望~ 外皮未食都FEEL到厚~ 仲幾硬 鮮肉都係死實的一團肉餅,應該係來貨~ 上海菜,小籠包是必點的,這個實在會令人失望 希望有更好的代替~ 飯後甜品,點了這個小可愛 木桶桂花豆腐花 HKD 40 木桶造型很可愛,雖然寫2人份量,但份量都唔少,3-4人都得~ (甜品唔係食飽肚架) 先來看看配角,本身有桂花糖同紅糖揀的 我揀了桂花糖 之前以為係乾的桂花糖,原來係桂花加糖漿 桂花很香,倒出黎已經聞到一陣陣的香味 而糖水亦很清甜,唔係死甜 但倒出來時,每每將糖水倒哂而桂花沉在底倒不出,很抓狂~ 再來說說主角豆腐花 這個豆腐花有點兒偏黃,唔似平時咁白 賣相亦唔似平時個D咁平滑 但食入口卻出奇地有濃濃的豆香 好似枝竹糖水個種豆香,真係好少食到咁濃豆香的豆腐花 個D白而無味,要靠糖水吊味的偽豆花真係要靠邊企啦~ 後話:呢度雖然有收3蚊的茶介同加一,但服務好到 好似我俾左30蚊咁~@@ 除左會幫我換碗 (上海鋪真係無試過), 仲不停幫我加茶 (其實枱面已有茶壺可自加) 坐低時,仲好細心咁為囡囡換上杯清水代替茶 就連同我講野,都彎低腰細心聆聽 請到咁好員工,老闆真係要珍惜呀~ 尚點 小籠包.上海麵館 Shouten Shanghai Noddle House 藍田茶果嶺道88號麗港城商場1樓64-66舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share