我家有一隻可愛的小寶貝,一隻西伯利亞雪橇犬,名叫BiBi,又名肥Bi。 每到冬天,我同屋企人就會好想瘋狂帶佢出去玩。有山有水有野食既西貢,成為了肥Bi最常出沒的地方。另外的原因係西貢有多間餐廳既室外位置容許帶狗人士坐,而且出外島的船家更給予狗狗免費搭船既優惠!街上的人對狗狗接受度都比較高,有得玩有得食又唔洗帶住肥Bi左閃右避,每次到西貢都好開心ga! 有得去玩就算到四萬咁口@西貢碼頭 西貢有好多有心的小店制作出美食,雖然多數都係幫襯茶記,但今次我要講既係All day Breakfast @ 柴太郎咖啡店。 眾多餐廳點解會簡中佢? 原因係,肥Bi坐係上餐廳樓梯隔離塊假草地上唔肯走,仲要係正餐牌面前。好吧,見餐廳的露台位置可以比帶狗狗既我地坐,一於試下肥Bi推薦?既餐廳啦! 肥妹表示: 終於有得比我唞下啦 餐廳其實不大,但裝潢很有心思也很溫馨。店內真的有隻柴犬在店的最裡面,我帶著肥Bi就廢事過去啦。 小店人手不多,等候時間也有點長,但放假就應該要放鬆心情,不用下下都趕頭趕命,等一下又有什麼所謂呢? 食物看得出是有心機的,窩夫熱辣辣既時候最好食。但最欣賞的是自家製的士多啤梨果醬!真的超棒!但咖啡就略為失色了。一個set不到100蚊,性價比還是可以的。 餐具,杯碟全部都好靚! 西貢碼頭另一個獨特之處就是有好多船家在小艇上賣海鮮,絕對新鮮又便宜!我地買左7條小立魚,4隻大蟹,一共只需140蚊!抵到爆炸!游水猛的立魚對比街市冰鮮的,口感鮮甜度明顯有大大的分別。如此新鮮的大蟹清蒸最好不過,薄殼兼厚肉,碟上既蟹汁更是精華,用黎煮反個麵,鮮味無比。諗起都流晒口水! 蟹,真係好巨型。蒸了其中3條小立魚,其實也不算小呀 如果你地下次去開西貢,都可以睇下撞唔撞到我同肥Bi 架。