近排又到左行山露營既好季節,好多人都聯群結隊, 三五知己一齊上山行下 為一星期工作積聚既壓力舒緩下....但奈何一星期 只有兩日既時間可以比您hea下,享受下意猶末盡..... 個心仲係山上面,甘就岩啦.... 今次筆者介紹一間限定既主題餐廳比您地止住鋪露營癮先啦..... 今次介紹一間同潮鋪合併埋既餐廳比您地....個名叫gumjeng 先介紹下餐廳先 位置係位於銅鑼灣加寧街8﹣10號地舖 營業時間:星期一至日: 12:00-22:00 平時餐廳主要售賣串燒,港式小食....狗仔粉....仲有幾款飯餐 比您選擇..... 但今次筆者去既目的係為左朝勝....為左佢同COLUMBIA SPORTWEAR 以戶外露營為主題而設既wild cafe, 仲要期間限定,對於鐘意山系,backpack 既筆者又點可以錯過.... 佢只係係2014年12月1日 - 2015年1月31日呢段時間先有 呢個山系主題..... 本身筆者唸住試佢個OMNI-HEAT 芝士火鍋同雪花西多士 Toasty Snow,但原來啲兩款食物只係六日先供應,店員仲話兩款 限定食物每日只供應20份.....天呀....即係要再黎多 次....我點都要食到佢地....今次唯有影住相止住渴先啦.... 就係呢兩款,真係望到都想食.... 記住要食既朋友星期六,日先好去,唔係就好似筆者甘,得個望字... 提提大家,餐廳暫時未有廁所,不過轉角位有pacific coffee, 可暫借廁所...... 店內既裝飾亦好有特色,坐既唔係正常既凳 而係特別既露營椅,而枱亦都印有wild cafe ...... 牆上亦有筆者最愛既backpack,仲有其他用品裝備,全部都係日本版 COLUMBIA SPORTWEAR既產品...真係睇到作者都心郁郁想買..... 點擊圖片放大 +2 餐廳係唔同既角落都有唔同既擺設.... 真係好有心思...又有旗仔掛係天花版.....又有火爐擺設..... 又有露營燈..... 就係呢張凳啦,真心好有氣氛..... 點擊圖片放大 筆者黎到呢度,又點會甘快捨得走呀.... 甘就買左佢地個狗仔粉試下,仲買左兩枝hyaku新鮮冷壓果汁飲, 佢地仲係似mr.men同little miss 既主角做主題..... 黃色個枝係pineapple + orange,橙色個枝係 carrot + pear, 兩枝都好特別,仲要個樽可以重用....而碗粉亦相當唔錯..... 即叫即做....仲要個紙碗都係camo色同印有 COLUMBIA字樣..... 筆者仲問左店員,會唔會有產品買....店員話遲啲會引入一啲 日本版COLUMBIA山系產品比大家選購,筆者聽到都好開心...... 大家一定要係呢段期間去一下,唔好錯過啲個機會...... 筆者就一定會再去...甘您呢......希望到時會撞到您地啦;]
