唔知大家最近有無睇過點對點呢套戲,我唔係hard sell, 只係套戲介紹左好多香港另類既景點同有特色既地方, 加上筆者都好鐘意影相,成日都捐窿捐罅周圍去.... 好啦,入番正題,講甘多其實係想大家多啲留意身邊既地方, 與其成日話香港無咩地方好去,甘您就錯啦,等筆者今次介紹一下 中上環又可以好好享受陽光,又可以執到平野既地方比 您地好好享受假期啦..... 今次介紹一間食多國菜既餐廳比您地.... 間野個名叫oldish limited....聽到個名擺到明係有好多vintage 既野...... 好.....事不宜遲介紹下餐廳先.... 佢既位置位於上環既東街53 號地鋪.... 營業時間:星期一至日10:00-22:00 間餐廳早上同下午都可以食brunch ..... 到晚上就食法國既a la carte ....今次筆者就同朋友享受左 佢地個brench...... 而餐廳既位置係連接住太平山街同東街之間既交界.... 鋪頭既門口放住一架印住oldish 既小貨車 上面會放住一點點特色既小擺設同埋menu , 仲有我最愛既太陽花... 一點點既小提示:餐廳既門口設有兩個小小既位置, 方便比有帶小動物出街既人仕可以好好甘用膳... 而店員亦會因應需要提供清水供動物飲用.... 但留意,因為太有特色同太舒服,門口位置既等候時間會比較耐啲 看到店員好努力甘佈置..... 行上個幾級石級,就係太平山街....... 筆者今次同朋友亦都好好彩,坐到門口bar枱既位置, 餐廳採用開放式設計,等您一路食野一路 可以好好甘享受陽光既溫暖,餐廳好貼心於牆壁上設置掛勾, 比您掛起backpack或手袋.... 等您可以好好享受呢個甘舒適既位置..... 佢地既weekend special會有5款brunch sets 比您揀... 個set 已包coffee/tea 價錢大約80蚊至130蚊不等..... 如果想飲朱古力/latte 等等,可另外加錢.... 重要提示,餐廳暫時只收現金..... 今次筆者就飲奶茶而朋友就補左10蚊到飲朱古力 朋友說朱古力十分不錯...而筆者亦十分欣賞佢啲vintage 器皿 真係好有懷舊feel ,我鍾意.....夠special..... 係等候野食既期間梗係要好好甘影下相....... 餐廳好用心甘佈置,多數用vintage 野..... 望住藍天白雲食野都咪話唔開心,星期日梗係要好好甘叉足電..... 原諒筆者真係好沉迷vintage 既野..... 我地總共叫左兩個餐,一個係oldish hash brown, 有煙肉,磨菇,雞蛋,麵包同下面有 一啲應該係炒香左既薯仔絲....... 佢地亦用左一個類似細煎pan既器皿裝住.... 店員亦好貼心提醒您個煎pan 好熱,要小心,避免整親..... 賣相吸引,味道亦相當唔錯.... 而朋友就叫左個roasted chicken breast 個salad 同個雞唔錯,亦都好開胃 兩個人埋單大約280 蚊... 坦白講,其實價錢都好合理.話晒都係中上環,而且店員既 服務態度亦都好好... 好適合慢慢甘享受星期日美好既時光..... 食完亦可以行下太平山街,個度有好多特色既小店同cafe.... 好似今次筆者就好好彩甘遇上週末市集..... 個度有bandshow 睇亦有地攤賣secondhand或1啲handmade 野.... 執唔執到平野,睇下您好唔好彩..... 亦有bandshow 唱live,真心好relax..... 筆者亦試過平日去,呢度有好多塗鴉牆比您影相..... 點擊圖片放大 希望我既介紹會令您有一個relax既weekend 啦,筆者會努力 發掘更多既景點比您地.....