話說身邊既朋友興起一般紅葉潮,個個唔係去大棠就去青衣........ 其實香港係有好多小綠洲,今次筆者介紹一個地方,又可以行山, 又可以影下紅葉,亦有好靚既景比您地影.. 呢個地方就係烏蛟騰,呢條行山徑都十分適合新手小試牛刀, 因為呢條徑唔算太多上落,亦沒有太多既山路, 只要新手預多一點點既時間,帶備足夠既糧水,應該沒有太大既問題, 當然一定要注意安全...... 今次既路線: 烏蛟騰 – 九擔租 – 犁頭石 – 三椏灣 – 三椏涌 – 下苗田 – 上苗田 – 九擔租 – 烏蛟騰 甘點樣去烏蛟騰,您可以係大埔墟火車站搭20R 前往, 但因為班次較疏, 大概一小時一班 就算係假日加開班次,都大約半小時先一班..... 所以,比個小小既提示大家, 如果您係4-5個人,好似筆者一樣一大班人...您可以搭的士前住, 係鳥蛟騰停車場落..... 因為入口係個個位置..... 車資大約一百蚊,除番都係25 蚊一位...... 大約20分鐘就到...... 哇,一落車已經有少少紅葉.....仲要天氣好好..... 又一次PERFECT MATCH ........ 好...係未行山之前,大家一定要去定廁所先, 因為都要行成1-2 個鐘先有廁所......... 大家記住要係三家村個度去埋廁所......放心個廁所都幾企理...... 去完廁所,就即刻出發..... 今次筆者用左6個鐘頭到完成,因為影相既時間比較耐啲...... 係停車場附近就會見到入口..... 沿途亦有指示牌....我地會往三椏涌個便行..... 記往我地會途經一個地方叫九擔租.....您會發現紅葉既踪影..... 再行前啲.......您會發現呢度唔會比大棠差...... 但人就少大棠好多.......筆者都影左一陣......呢啲景象一定要好好把握.... 逗留左30 分鐘之後繼續出發.... 沿途景色優美...... 跟住您會見到一個分支, 一條係去犁頭石, 一條係去上苗下苗,其實上下都無所謂, 因為我地都係行緊一個圈,點都會去番呢一個位置,再經沿路走....... 今次筆者選了去犁頭石方向,即係往上行.....開始上山.... 放心,呢條路徑大多為石屎路..... 而且仲比筆者發現左呢度都有芒草....甘梗係要影一下..... 點擊圖片放大 係沿途亦會見到紅葉既踪影..... 忍唔住都要影一下......真係好靚....... 之後行左一個鐘到您會見到好多紅色的石頭和濕地..... 見到證明您離三椏村已經唔遠...... 呢度好岩一班人影相,景色真心好靚...... 影完行多大約5-10 分鐘就到三椏村士多.....我地就休息左一陣, 順便係士多去埋個廁所......... 跟住就望住個靚景嘆左碗麵........ 一個字正..... 醫飽左個肚就再出發....... 係士多住前行,會有一個十字路口,個度會有指示牌, 一邊係原路, 一邊係經上苗下苗往烏蛟騰,一邊係去荔枝窩,一邊係去碼頭, 我地見仲有時間就去左碼頭個邊影相...... 碼頭對出就係印洲塘,因為印洲塘係海岸公園,所以啲水真係好清..... 點擊圖片放大 筆者去個日真係好好天,所以啲水真係好似漸變色甘....... 因為太靚,所以就影左好多相....... 您會發現呢度真係唔似香港......好似個世外桃園甘.... 點擊圖片放大 影完相就沿番沿路向上苗方向回烏蛟騰...... 向前走大約15 分鍾左右.....就會到三椏灣...... 我地再係個度影相..... 再行多大約15分鐘,我地終於到三椏涌..... 佢係一條好清既小溪,亦好值得拍照留念...... 跟住就經過上苗田同下苗田,去番呢個位......見到右下角個牌, 其實我地由上路去下路走.......再經沿路番出去搭20R小巴走..... 小提示:如果想搭番的士走一定要預早CALL定車..... 因為個度係唔會有的士等您.... 而且手機訊號都幾弱,所以一定要預早準備..... 希望大家善用呢幾日假期,好好甘出外走走..... 唔好錯過左賞葉既時間...... 因為錯過左又要再等下年....好好甘同朋友家人伴侶影番啲靚相........
