五月去完台灣後, 偶然也掛住台灣嘢食, 早前便去了位於天后的台灣郎食飯. 睇一睇餐牌, 款式選擇唔算好多, 但有我係台灣必食肉羹和牛肉麵, 所以這次決定點這兩款嘢食. 店員先奉上香菇肉羹. 份量都幾大碗. 主要材料係肉和冬菇. 這個質感和係台灣食的唔太相同, 味道太淡口, 肉質口感一般. 這個我覺得一般, 唔太啱我口味. 再來是我期待的台灣紅燒牛肉麵. 上枱時香味撲鼻. 附了牛肉外, 配料仲有蘿白. 牛肉的味道調教不俗. 牛肉夠鬆軟, 好容易咬開, 幾夠肉汁, 完全唔會覺得乾身和硬, 尚算入味. 麵條是較扁身. 麵質軟硬適中. 配料也不要錯過, 完全吸收晒牛肉和湯的精華, 特別鮮味. 下次有機會要一試佢地的其他菜式.