早前放工做完療程後, 便係附近覓食, 見到一間食拉麵的食店, 叫幸屋, 便入去一試. 這裡有七款拉麵選擇, 見到有一款係限定王, 原來是期間限定, 細問下知道是特濃菠菜沾麵. 愛食沾麵的我, 當然不可不試, 由於我鍾意食軟麵, 特意要求麵身軟身一些. 飲品點了罐裝粒粒橙汁. 另外也點了一個小食, 就是牛舌串. 牛舌串唔算好厚身, 但幾有咬口, 質感也不錯. 枱上放了各式各樣的醬汁, 客人可以因應自己口味而加入. 特濃菠菜沾麵上枱. 與平日食的沾麵不同, 這個湯底較清新, 飲多幾啖湯也不會覺得咸. 而麵混入黑蒜油, 入口有淡淡的蒜香味, 特別好味. 麵較為粗身一點, 這樣可以掛多一點點的湯. 材料也相當豐富, 有义燒, 豚角煮, 温泉蛋, 筍, 紫菜. 我自己鍾意較流心的温泉蛋, 這樣更好味. 我鍾意一次過食齊义燒和豚角煮, 初時擔心豚角煮太肥, 但這個不會, 兩者也煮得夠稔身. 下次要試下其他的款式.