我本身鍾意食海鮮, 從朋友口中得知銅鑼灣有一間新開的餐廳, 主打燒海鮮, 一定要去試下. 個餐廳名叫漁獲浜燒, 幾特別. 店內裝修好別緻. 店員先奉上醬汁, 包括七味麵豉醬, 柚子胡椒醬和海鮮黑豉油. 另外, 有五款不同味道的鹽, 如柚子, 竹炭, 抺茶和岩鹽. 客人可以因應個人喜好而選擇, 點了岩鹽, 更能帶出海鮮鮮味. 未食海鮮前, 我地點了一個沖繩風沙律. 除了有各款魚生外, 蔬菜中加入沖繩特產, 海葡萄和苦瓜. 因為我不食魚生, 朋友就話幾鮮味. 而我就食蔬菜為主, 蔬菜夠新鮮, 入口爽脆, 最特別當然是海葡萄和苦瓜, 苦瓜帶點苦, 可接受, 海葡萄有點脆脆, 食完這個沙律, 感覺清新. 這裡刺身也是好新鮮, 但我不食魚生, 所以主要點海鮮. 這裡的海鮮由日本送來, 所以好新鮮. 選擇也有不少, 可以單點或者套餐. 我地點了活帆立貝, 鮑魚, 車海老, 榮螺, 白貝和馬友. 上枱時見到這盤咁新鮮的海鮮, 真係特別醒神, 帆立貝和車海老好大隻, 鮑魚仲生架. 食材咁新鮮, 想食到佢地最好味的一面, 控制時間和調味是重要一環, 這裡的店員會幫你燒. 這裡的白貝肉, 比平時食的厚身, 好鮮味, 無沙. 活帆立貝好大隻, 加入酒來煮, 入口彈牙, 帶有淡淡的酒香. 這個榮螺, 同平日食的螺不同, 好大隻, 肉又厚身, 加入豉油煮, 幾有咬口, 夠口感. 鮑魚好生猛, 肉質算厚身, 幾鮮美. 車海老夠彈牙, 入口鮮味, 仲啖啖肉. 馬友的魚皮已經燒到好香脆, 而魚肉好雪白, 仲好嫩滑. 一口氣食咗咁多款的海鮮, 係時候食個飯. 海鮮咁好味, 當然繼續點海鮮, 我地點了漁獲海鮮釜飯. 這是用石頭鍋上, 保持熱辣辣. 材料相當豐富, 有鮑魚, 蝦, 釜飯的飯是軟身, 飯完全吸收晒海鮮的精華, 非常美味. 這個幾特別, 來這裡食飯要試下呀~ 再來一碟魷魚扑葉燒. 燒的時候已有點香, 原條魷魚燒, 再加上醬汁燒一燒. 入口完全不覺得硬, 味道適中, 有點惹味. 飲品點了原味乳酸梳打. 味道可以. 好開心可以食到一餐咁豐富又新鮮的燒海鮮餐.