呢個蛋糕最適合用來做生日蛋糕,一班friend每人一小件,配一杯熱咖啡真係一大享受~雖然步驟比較多,但係其實唔太難,唯一要注意嘅係忌廉芝士一定要室溫,除非你有電動攪拌工具,否則請有心理準備第2日會肌肉酸痛 XD 難易度:★★★☆☆ 卡路里:688 x 6 ** 卡路里只供參考,唔同牌子嘅材料營養成分都不盡相同 ** 唔同嘅微波爐設定會有所不同,請根據設定作適當調整 材料: {餅底} 消化餅 100g 牛油 80g 鹽 少許 {Filling} 忌廉芝士(室溫) 500g 雲尼拿香精 1茶匙 即溶咖啡 (Optional) 1茶匙 朱古力 250g 可可粉 3湯匙 {玻璃朱古力漿}(Optional) 朱古力 50g 牛油 50g 糖 2湯匙 工具: 7寸蛋糕模 1個 超大攪拌碗 1隻 矽膠刮刀/大打蛋器 1把 湯匙 1隻 茶匙 1隻 大碗 1隻 細碗 1隻 步驟: 1)蛋糕模內則塗牛油 2)牛油係細碗,入微波爐,1000W,30秒,叮溶 3)將消化餅係大碗壓碎,加入溶咗嘅牛油攪勻 4)將餅碎倒入蛋糕模壓實,入雪櫃 5)係攪拌碗將忌廉芝士打發至鬆軟 6)即溶咖啡用少許熱水沖開 7)將可可粉、咖啡同雲尼拿香精加入忌廉芝士攪勻直至無粒粒 8)朱古力係大碗,入微波爐,800W,30秒,攪溶,重複直至變成液體 9)將朱古力加入忌廉芝士攪勻 10)將朱古力忌廉芝士倒入蛋糕模,入雪櫃,最少6個鐘,最好過夜 {玻璃面}(Optional) 11)係細碗將朱古力同牛油一齊入微波爐,800W,30秒,攪溶,重複直至變成液體 12)加入糖攪勻,直至糖完全溶化 13)將朱古力漿倒係蛋糕面,入雪櫃,最少2個鐘,食得! *:._.:*~*:._.:*~*:._.:*~*:._.:*~*:._.* 開咗Facebook page啦~請多多支持!歡迎分享同交流! 「無火免焗食譜交流中心」逢星期六更新,同大家分享簡單又大眾化嘅食譜! 請Like 無火免焗食譜交流中心