啱啱過完情人節,單身嘅你係咪成日都埋怨餐廳情侶一對對,難以搵到寧靜獨處嘅地方?其實喺香港一啲都唔難搵,小妹有5間Cafe推介畀單身嘅你,等你可以靜靜享受一個人嘅時光,飲杯啡,食件Cake,話唔定仲可以識到有緣人添! (1)洗滌心靈@侘寂咖啡 「侘寂」一詞係日文Wabi Sabi ,意指平民,簡單,低調,缺陷美,係一種日本美學,以簡單僕實嘅傳統日式佈置,令客人可以喺平靜祥和嘅環境下享用食物,達至心靈嘅寧靜。嚟到呢度,你就好似與世隔絕一樣,走入一個充滿日式禪趣嘅世界,靜靜哋一個人享用簡單嘅食物,一碗平凡嘅素雜菜湯,一碟炒日式雜菜,一個蛋包飯,最原始嘅味道帶畀你心靈無限嘅平靜,好耐冇試過咁寧靜享用一頓午餐,單身嘅你都應該洗滌一下心靈!點擊圖片放大 紫薯Latte 點擊圖片放大 +3 店名:侘寂珈琲 電話:25111929 地址:觀塘觀塘道396號毅力工業中心4樓C室 營業時間:星期一至六10:00 - 18:00,星期日全日休息,公眾假期全日休息 _________________ (2)鳥語「果」香@鳥語 置身石屎森林,令你無法呼吸,若尋找得一片綠洲,好好喘息,係心靈最好嘅停靠。位於大廈林立嘅尖沙咀嘅鳥語,一室森木系裝修吸引唔少單身文青支持,原因係環境舒適又可以遠離繁囂。食物以牛油果為主打,「牛油果雞肉沙律」係小清新之選,雞肉嫩滑多汁,配合Super Food牛油果同沙律菜,一個人食就足夠。「柚子蜜糖雞翼」($58)香脆可口,配合柚子醬更覺清新。「鳥語」($52)係店內嘅主打飲品,蝶豆花汁令成杯梳打變成紫色,非常夢幻。再嚟一杯「紅莓」($42),雖平凡但亦係解渴之選,如此坐一個下午,獨享美食與寧靜,人生一大樂事也!點擊圖片放大 +3 牛油果大蝦意粉 店名:鳥語 電話:54254733 地址:尖沙咀厚福街12-12A號藍馬商業大廈10樓 營業時間:星期一至四12:00 - 22:00,星期五至六12:00 - 23:00,星期日12:00 - 22:00 _________________ (3)與書為樂@Just Café 感覺一個人行書店嘅日子,有型又浪漫,只係不停喺書叢中打轉,有時都幾攰,如果可以坐低飲杯嘢,睇吓書,就更加Perfect!位於灣仔嘅Just Café 就係喺三聯書店入面,等你行到攰可以休息一下。同樣以木系為主嘅Cafe,微黃燈光,打造屋企感覺,令你可以舒舒服服咁睇書同Hea時間,呢度冇人會趕你走,你想坐到幾時都得,小妹曾經喺度睇晒一本書都冇人趕我走,認真誇張!Cafe有Cake Set選擇,一杯嘢飲加一件Cake都係$75,價錢合理,亦非常適合單身人士。是日嗌咗一杯「玫瑰咖啡」同「藍莓芝士蛋糕」,味道唔差,係睇書良伴。再嚟一杯「野莓檸檬梳打」($40),Hea多兩個鐘都得!點擊圖片放大 +4 店名:Just Café 電話:26283056 地址:灣仔柯布連道1及1A號東興大廈3樓三聯書店 營業時間:星期一至日10:30 - 21:00 _________________ (4)獨人與貓@小房子 靜到悶咗,想接觸下人群同動物,小房子係一個不二之選,位於旺區旺角嘅小房子自然人多嘈雜,但偶然嘅打擾會令你精神為之一震,更何況呢度仲有貓咪陪你玩?你可以喺度嗌一個一人晚餐,雖然只係三文魚茶漬飯、烤焗小甜薯加蒸蛋,但有貓咪陪伴,不失為一個可愛嘅單身夜晚!更何況係屋企唔畀養貓嘅朋友? 點擊圖片放大 +6 店名:小房子 電話:55266122 地址:旺角西洋菜南街4號昌記大廈2樓C室 營業時間:星期一至日14:00 – 22:00 _________________ (5)歐式古物店@Parc古道具公園 如果你鍾意Vintage古物,又鍾意歐洲風,呢度一定係一個值得去嘅好地方。古著、皮革、懷舊打字機... ...無一唔係同「舊」有關,嚟到呢度,你可以研究古物一個下午,做一個有深度、發掘舊物嘅「考古學家」。如果覺得肚餓,呢度亦有小食、甜品同飲品供應,好似「西洋風日本鮭魚梅子茶漬飯」($68),雖充滿日式風味,卻又同四周嘅歐式風格毫無遺和感。一杯「南法海風檸檬汁」($45),酸甜清爽,猶如置身南法,享受陽光、海灘同柔和清風,寫意自在,原來一個人係咁舒服自在!點擊圖片放大 +15 店名:Parc古道具公園(Parc Antique & Lifestyle) 電話:55440534 地址:觀塘鴻圖道60號鴻福工廠大廈10樓B2號舖 營業時間:星期一至五12:00 - 19:00,星期六至日12:00 - 18:00