途經灣仔一棟唐樓,卻發現門前燈箱有一串令人費解嘅密碼「1963木十豆寸」,單憑幾個數字同中文字,一般人真係好難明白究竟係啲乜,行上去一睇,先知道別有洞天,原來密碼嘅背後,隱藏住一間台式料理店,真係連達文西都解唔到! 拾級而上,打開木門,鐵閘、板間房、舊式印花牆紙、舊時鐘、電話、信箱、舊式收音機、古老鏤花大鏡、老爺相機、收音機... ...感覺就好似返到去五、六十年代嘅香港。細問之下,原來「1963」係呢座唐樓嘅建造年份,「木十豆寸」則係「樹」嘅拆字,因為呢座唐樓最早期嘅隔離有一棵樹,店主為咗記住呢一刻因而得名,聽落甚有人情味。 既然置身喺咁復古嘅裝潢同充滿人情味嘅唐樓入面,主打嘅台菜自然講求傳統,以台南口味入饌,希望藉最古早嘅味道打動食客個心。點擊圖片放大 +5 門柄係電話筒 台式三杯雞($70)以台灣米酒、麻油、醬油爆香台灣走地雞,配上秘製滷肉飯一齊食,集香、濃、嫩於一身,令人猶如置身台南鄉村之地,感受家鄉風味。 台式三杯雞($70) 台式滷味拼盤($65)滷得甘香入味,滷豬耳、滷蛋、滷蘿卜、滷牛腱等滿滿一盤,最啱貪心小吃貨! 台式滷味拼盤($65) 香港好少食到台灣地道山菜,而店內嘅水蓮係台南傳統野菜之一,「樹子水蓮」係小妹最愛,鹹香樹子配爽脆水蓮,再加少量蒜蓉椒絲炒香,食一碟都唔夠! 樹子水蓮 飲品方面,台式冬瓜檸檬($15)同情人果沙冰($25)清新冰涼,食一啖台菜,飲一啖台式飲品,人生一樂也! 情人果沙冰($25) 台式冬瓜檸檬 筷子上仲有得意文字 店名:1963木十豆寸 電話:31050160 地址:灣仔灣仔道110號中匯大樓2樓 營業時間:星期一至日12:00-22:00 Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331