美國流行餐車美食,大大份牛扒三文治、芝士瘋薯、火腿蛋窩夫... ...街頭人手一份,掀起一股街頭飲食熱潮,呢種熱潮席捲全球,香港都曾經Hit過一排餐車,可惜都只不過係曇花一現。不過惟獨一間將美式街頭美食同港式冬菇亭概念合二為一嘅小店,就永遠都有捧場客! 位於尖沙咀麼地道市政局百週年紀念花園嘅「慢煮工業」,小店細細間,望落似學校嘅小賣部,卻主打美式慢煮美食,將牛扒、雞肉、雞蛋、牛仔骨以流行嘅低溫慢煮方式處理,配搭出沙律、三文治、窩夫等美食,頗具心思。小店冇座位提供,只有一小排企位,顧客可以立食,亦可以喺公園入面嘅休憩處用餐,隨意自在。 慢煮安格斯牛扒芝士三文治($48) 配埋「粗過手指」嘅薯條只係加$8咋 小店最熱賣嘅係慢煮安格斯牛扒芝士三文治,牛扒肉厚Juicy,芝士香濃,大大份都係$48,$50有找,比起一般餐廳食到嘅慢煮美食平成一大截,再配埋小店代理嘅手工啤酒同自製特色小食,滿足感倍升,如果每日都有一份咁完美嘅早/午餐食就好喇! 慢煮雞扒沙律($36) 餐具全自助 手工啤 店名:慢煮工業 電話:93256625 地址:尖沙咀麼地道63號市政局百週年紀念花園小食亭 營業時間:星期一至日11:00-20:30 Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331