自從韓式烤肉傳入香港之後,小妹真心佩服韓國人嘅創意,除咗傳統嘅氣油筒式BBQ之外,接踵而嚟嘅係微波爐咁款嘅烤箱烤肉、半天吊烤肉串、烤肉爐邊蒸水蛋、烤肉隔離整芝士排骨或者炸雞... ...花式多到服咗佢,而最搞笑嘅係,仲可以用個熨斗嚟烤肉! 店內選用嘅牛肉同豬肉質素唔差,油花少,口感Juicy。 位於元朗西菁街嘅「熨烤達人」(Mr. Iron MarkII)就係用熨斗做Gimmick,將肉放喺烤爐上面之後,就用個類似熨斗嘅東東壓住塊肉嚟燒,話咁樣可以令塊五花腩燒得更平均之餘,又可以鎖住肉汁,逼出肉裏面嘅多餘油份,將肉燒至外脆內多汁。雖然小妹唔知係真定假,但Gimmick呢啲嘢,真係識條鐵架!舊熨斗用鐵做,又重又硬,唔小心跌落地,隻腳分分鐘行唔到,所以用佢嚟壓住啲肉嚟燒,又真係唔使驚啲肉汁流失嘅。 原來呢度都有韓式「蒸水蛋」架! 熨衫就試過,熨肉真係第一次! 不過最冇嗰樣整嗰樣嘅都真係個「大園卜卜脆手攪飯」,將平時喺日本料理店食嘅蟹子沙律撈埋啲飯,再捏成一舊飯團放喺雪糕筒上面扮雪糕,如果用嚟氹細路仔食飯都不失為一個好方法。點擊圖片放大 嘢飲當然唔少得韓國特色飲品----倒插Cider啦! 店名叫得Iron,當然唔少得啲有啲類似 Iron Man嘅公仔圖案啦,再加上以火車維修站為主題嘅設計,都吸引唔少人嚟朝聖集郵,不過對於小妹嚟講,都係傳統式嘅烤肉比較適合我,舊鐵,堅係重。 店名:熨烤達人 Mr. Iron MarkII 電話:23366409 地址:元朗西菁街23號富達廣場地下29號舖 營業時間:星期一至日: 18:00-01:30 Facebook:https://www.facebook.com/hongkonggirl331/ Instagram:http://www.imgrum.net/user/hongkonggirl331/2549505907