醬油花蟹每次上四隻 對香港人嚟講,去韓國就好似食生菜一樣,話都冇咁易!一有連假,就會去韓國Hea番幾日。差唔多每半年去一次韓國嘅小妹,對韓國美食可以話係情有獨鍾,尤其係醬油蟹,小妹可以話係對佢神魂「癲」倒!其中呢間位於首爾「廣興倉站」、名為「간장게장 무한리필」(Kkochgelangs Saeulang)嘅醬油蟹任食專門店,可以話係非常抵食,皆因大概$100港紙就可以無限Refill醬油蟹,真係蟹迷福音! 辣醬蟹 醬油蝦 之前小妹曾經介紹過知名醬油蟹食店「Pro普樂」(可參考文末網址),雖然爆膏同鮮甜程度可以話係100分,不過並唔係人人都可以豪使幾百到一千蚊食幾隻醬油蟹,而呢間位於廣興倉站嘅「간장게장 무한리필」就唔同,以$112就可以無限任食醬油花蟹,不過$112只包任食醬油蟹、辣醬蟹同紫菜蟹籽飯($15900w),而$17900w(約$126港紙)就可以有埋醬蝦或者辣花蟹湯,至於$19900w($140港紙)就可以有齊醬油蟹、辣醬蟹、醬油蝦、花蟹湯同紫菜蟹籽飯五種!最貴嗰個都係$140港紙,你可知道喺香港食一隻都要$150以上(仲要係唔靚嗰啲蟹),所以去到食兩、三隻已經回晒本! 不過,大家唔好期望佢會好似「Pro」嗰啲咁大大隻、啖啖肉兼蟹膏飽滿,但以細蟹嚟講都幾飽滿,雖然肉唔多,好快KO一隻,而膏亦不過不失,同香港食嗰啲係一樣,係蟹公為主,微甜帶回甘,所以如果大家對醬油蟹要求唔高,都值得一試,講真,去呢度食點都抵過喺香港食啦!點擊圖片放大 一試難忘!韓國爆膏醬油蟹!普樂醬蟹(總店): https://blog.ulifestyle.com.hk/blogger/shinysharon/2015/11/%e4%b8%80%e8%a9%a6%e9%9b%a3%e5%bf%98%ef%bc%81%e9%9f%93%e5%9c%8b%e7%88%86%e8%86%8f%e9%86%ac%e6%b2%b9%e8%9f%b9%ef%bc%81%e6%99%ae%e6%a8%82%e9%86%ac%e8%9f%b9%ef%bc%88%e7%b8%bd%e5%ba%97%ef%bc%89/ Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331