這間Ask Cake就係上環新紀元廣場附近,位置不難搵。店鋪環境不大,但樓底高,營造出空間感,完全不覺迫狹! 原文網址: http://connie-hk.com/ask-for-more 點擊圖片放大 +4 最前方係蛋糕櫃,擺放數款蛋糕、鬆餅和牛角酥。 牆壁上掛了不少有趣的插畫,還有不少綠色植物,綠悠悠一片身心頓時放鬆,係咖啡店應有的放鬆感! 晚上有套餐供應,意粉、漢堡、鰻魚飯、全日早餐等,仲有部分單點小食和選擇頗多的飲品,部分咖啡類更有可愛的拉花,好吸引,當然要來一杯!(餐廳在文末) 蝶豆花柚子芒果梳打 跟餐+$20 (原價 $35) 叫左杯有靚靚漸層顏色既蝶豆花特飲,都知道係用糖漿溝出,味道唔會話好好飲,不過都幾解渴。 Mocha 跟餐+$5 (原價 $38) 跟餐既咖啡仲有埋拉花,係粗眉古惑樣既Ted熊,好開心!平時小妹好少叫Mocha飲,有咖啡味外仲有朱古力的味道,味道唔會好苦,都幾岩我飲。 ASK全日早餐 $98 煙肉、香草雞肉腸、薯餅、蕃茄、翠玉瓜、茄汁焗豆、煎蛋/炒蛋、牛角包/牛油多士。 全日早餐既食材配搭其實好平,但去親Cafe又會忍唔住叫。Ask Cafe既全日早餐好豐富!每款食材都煎得幾靚唔會好油,而且竟然有幾片燒翠肉瓜,咬落好多汁。仲有我至愛既炸薯餅,跟餐加$5仲有埋杯拉花咖啡,好滿足。 ASK漢堡 $98 牛肉、芝士、酸青瓜、蕃茄及生菜。 男人叫左個漢堡,雖然賣相無驚艷但食落味道都唔錯,件牛肉漢堡夠厚,咬落充滿肉汁富牛味,加埋酸青瓜好開胃,所配既粗薯條熱辣辣好香口,小妹食唔停口。 Earl Grey Mousse Cake同Oreo Cream Cake 各跟餐+$22 (單點$40) 兩款蛋糕上枱時都有靚靚的乾花點綴,前者食落有陣陣的伯爵茶香,mousse頗幼滑。Oreo味都唔錯,好鍾意食佢既Oreo Cream夠晒香,不過蛋糕層再鬆軟少少仲好食。 ASK FACEBOOK、IG 地址: 上環皇后大道中202號The Putman地下A號舖 (港鐵上環站 A2 出口, 步行約4分鐘) 電話: 26771131 ※本文以用餐當日的環境、服務和食物質素為準,口味亦因人而異,文章只作參考之用。 餐牌部份↓ 點擊圖片放大 +7