是晚去左呢間頗為隱閉的料理処:森食晚餐,係就係荃灣廣場附近,但相隔一兩條街後既享和街最多車房、寵物店同獸醫,小妹就覺得餐廳應該係以口碑相傳,做熟客生意多。都係咁岩上次去食「秘」先見佢地,仲一路以為係新餐廳黎,原來已開業一段時間。 原文網址: http://connie-hk.com/restaurant-mori 點擊圖片放大 餐廳設樓上雅座,樓下都係吧枱位,好似食師傅發辦咁,可以一面欣賞師傅的製作。 白板上有寫是日供應邊款新鮮魚和推介。 餐牌上款式多,有刺身、壽,手卷、卷物、小食、沙律、天婦羅、炸物、燒物、鍋物、一品料理和丼飯,仲有供應食日本料理不能缺少的各款清酒。 (餐牌太多放在文末) 森之香腸 $28 一客兩條,咬落頗似台灣腸質感,味道甜甜的,幾好食! 松露芝士千層 $78 本身想叫明太子千層,可惜賣晒就轉黑松露口味的。一碟有四件,有兩款不同既配搭,另一款係面頭加多左片紫蘇葉同蟹子。食落外層係香脆既吉列炸皮,裡頭係滿滿的松露芝士,芝士仲拉到牽絲架,香得黎味道都不錯。 燒宮崎和牛150g $228 叫左碟燒和牛,仲有得揀熟成度,要左五成熟。將宮崎和牛切成薄片,見到中間仲係粉紅色的。入口有微微炭燒香,肉質食落相當嫩滑無筋,牛味濃郁;每片牛肉中略帶脂肪位,咀嚼中油潤之餘仲油香四溢,好食。另外佢仲有提供胡椒柚子醬,喜歡的可可蘸黎食,不過小妹覺得就咁食已經好食。 點擊圖片放大 +2 森特製丼 $228 小妹揀左呢個森特製丼,包括有大中拖羅、赤身各兩片和蔥吞拿魚蓉。不過丼飯的賣相就無北海丼咁吸引,裡面的刺身都係薄切,食落欠缺點口感不夠豐富。但仍食得到每款的分別,魚脂香也有,就係賣相有點弱,相當次之下北海丼變得相當抵食。 點擊圖片放大 +2 北海丼 $118 餐廳有四款丼飯,就以北海丼最抵食!丼飯包括五款刺身,有厚切三文魚、刺身、帶子、牡丹蝦、三文魚籽同海膽。賣相都幾豐富架,台灣海膽食落比想像中好,味道甜甜地仲帶點果香?而且個醋飯都好夠味,愈食愈開胃,係荃灣想食丼飯可以試下佢。 料理処:森 FACEBOOK、IG 地址: 荃灣享和街5-7號香城大廈1號地舖 電話: 3591 1890 營業時間: 星期一至日 12:00-15:00、18:00-23:00 ※本文以用餐當日的環境、服務和食物質素為準,口味亦因人而異,文章只作參考之用。 餐牌部份↓ 點擊圖片放大 +13