去到尖沙咀韓國街又食韓菜,不過今次特別少少,鎖定左餐廳內既DIY章魚小丸子,上網睇到好似好過癮咁,心郁郁想試下! 原文網址: http://connie-hk.com/OPPACoffeeBarRestaurant 點擊圖片放大 +3 餐廳環境裝潢得似咖啡店,坐位間唔算靠得好近,坐得頗舒服。 點擊圖片放大 +6 餐牌上有供應火山蛋漿熔岩炒飯、芝士排骨/雞翼/八爪魚/雞腳、韓式炸雞、韓式便當、韓式炒粉絲/麵、韓式煎餅、紫菜包飯、人參雞湯、牛肋湯等都有,章魚燒係餐牌上見唔到,但就貼左係牆壁上。 章魚流心芝士小丸子 $138 一場黎到鎖定左要試呢個有得玩有得食的DIY章魚燒。餐廳會提供整小丸子既鐵盤、牛奶蛋漿、芝士和炒飯;店員會略略講解點整,有張步驟紙教你點整,就咁睇好似唔算難整,不過小妹就交比男人負責整,我負責影。 點擊圖片放大 一份材料大約整到兩轉小丸子=24粒,加埋其他餐點,兩個人食係非常足夠。 不過先說明個小丸子機係幾熱下,要小心辣手!首先將芝士倒入泡菜炒飯內撈勻,做成一粒粒圓形飯球放落機上,唔使太滿,但太少會整到唔夠圓,大約就可以。 放晒飯球後就淋上「牛奶蛋漿」,特蛋漿半熟時就反轉小丸子,老公話其實唔難,但太粗魯又會好易難 (因為見隔離檯反到難晒 XD),自己覺得燒到差唔多就可以食了。 本身見佢寫住流心,不過手腳有點慢的我們(又要影相呢!),所以流心無我地份,變晒全熟。 食落係幾香口既,而且本身個泡菜炒飯已經夠晒味,所以味道上可以放心,不過食得多會有點寡就是。 甜辣無骨炸雞 (半份) $198 這裡的烤雞有分有骨或無骨,有人話連骨食會更加香,但小妹係懶人,都係鍾意食啖啖肉既無骨炸雞。口味有原味、芝士、蒜香、卡邦尼、醬油等,不過小妹都係揀至愛既甜辣味(半份),全份都只係比半份貴三十蚊到,其實抵食好多,反而半份既價錢真係偏貴,不過唔做大晒鬼就叫半份好了。 一份炸雞配一小碟清爽解膩既醃蘿蔔,炸雞份量唔少,肉質算是嫩口有肉汁,不過外皮唔夠脆,少左份香脆同香口感,咬落偏諗,只屬一般。 ※本文以用餐當日的環境、服務和食物質素為準,口味亦因人而異,文章只作參考之用。 OPPA Coffee Bar Restaurant | FACEBOOK、IG 地址: 尖沙咀金巴利街1號F地下 (港鐵尖沙咀/尖東站 B1 出口, 步行約6分鐘; 尖沙咀港鐵站B2出口) 電話: 2386 2315、5914 5157 (WHATSAPP) 營業時間: 星期一至四 12:00-23:30、星期五至日 12:00-00:00