是晚走入鰂魚涌食比利時菜,由於唔係太熟路都搵左一陣先搵到,一入去就覺值得。餐廳樓底夠高又闆落,成個環境既氣氛很好,裝潢充滿著歐陸風格,燈光幽暗讓人感覺浪漫! 原文網址: http://connie-hk.com/frites-belgium-on-tap 點擊圖片放大 +6 餐廳的環境讓我影左不少相片。 (餐牌在文末) 3-8PM係餐廳的Happy Hour,不少酒類、mocktails享有半價優惠,一路都見到有不少人前來把酒暢談,特別多外藉人士在聚餐,讓人感覺十分悠閒。當然我倆都各叫了一杯飲品,小妹要了杯無酒精的mocktail,某些Cocktails也能做到無酒精版,很貼心!Cocktails半價後只是四五十元一杯,飲多幾杯都唔覺貴,相當抵飲! 小妹叫了這杯A Frites Sunrise $55,其實就係橙汁加石榴糖漿,橙味很突出,味道酸酸甜甜夠晒開胃,很適合夏天飲,頓時暑氣全消。 男人點的Blackberry Lime Fizz $45 (Happy Hour價),本身有Vodka的,做了無酒精版,味道飲落頗似少甜版利賓納,小妹都幾鍾意。 Crab Tian $135 入面有蟹肉、牛油果、蕃茄粒、西芹粒、豆苗,還加了檸檬醬在內,另外附上四塊烘得酥脆的多士,用來配這Crab Tian同食。 第一啖食落小妹覺得西芹味很重,直情蓋過蟹肉的味道;其後再食另一邊,剛好沒夾到西芹,蟹肉味道較為鮮明,配上軟腍的牛油果和蕃茄粒等,口感很豐富,和蟹肉很夾,就是不太喜歡加了有濃烈氣味的西芹。 餐廳的其中一款招牌菜Mussel Pots,有分0.5kg $245/1kg $395,多人食可選擇後者,如果叫埋其他主菜,兩個人叫0.5kg就岩岩好。另外可按個人喜好選擇搭配不同的口味,除了慣常的白酒煮青口,仲有喇沙、地中海、Hoegaarden啤酒和忌廉汁等,每款都有其吸引力。 最後我地揀左以Diced Tomato、Onion、Garlic、Light Crema、Fresh Chives入饌的招牌口味Frites House Mussels,0.5kg $245。 一大鍋上枱,另外仲跟一片多士和薯條,賣相豐富又吸引!一鍋有約廿幾三十隻,用上澳洲青口,青口有大有細,處理得很不錯,因為食落無沙更無難頂的雪藏味,入口鮮嫩,忌廉湯汁有滲到入青口中,食落唔會淡而無味,個人覺得好好食,食食下兩個人食晒半斤話咁易,仲好似唔多夠喉添! 另外配上的多士蘸上忌廉湯汁都好正,咬落係香酥口感,忌廉汁夠惹味,小妹直情將佢當湯咁飲! 朋友話餐廳既薯條好好食,不過當晚既炸薯條略嫌炸得唔夠乾身,中間咬落偏腍,有點失色。 Steak and Frites $395 14oz的1855 黑安格斯肉眼扒,慣常叫了五成熟,外層烤至微焦,裡頭呈桃紅色的肉質頗吸引。 肉質食落唔算係好軟嫩個種,稍為帶點咬口嚼勁,咀嚼中的牛味很濃,帶陣陣烤過的味道。整件牛扒某些位置還帶有脂肪位,食落更加惹味。搽上面頭所配的黑松露牛油有另一番滋味,另配有炸薯條和沙律,好豐富。 Apple Tarte Tatin $100 熱辣辣上桌既蘋果撻中間放左球雪糕,之後店員就會順道將Calvados Sauce淋上;酥皮上鋪滿片片蘋果肉,咬落係爽口的,配上雲呢拿雪糕係相當夾,好食! ※本文以用餐當日的環境、服務和食物質素為準,口味亦因人而異,文章只作參考之用。 FRITES Belgium on Tap | FACEBOOK、IG 地址: 鰂魚涌太古坊英皇道979號濠豐大廈地下 (港鐵鰂魚涌站 B 出口, 步行約7分鐘) 電話: 2250 5188 營業時間: 星期一至日 11:45-00:00 部份餐牌 點擊圖片放大 +7