L'attitude在尖沙咀開了一間雪糕甜品專門店後,近來都在西環開了另一間分店,地方更大,除了雪糕甜品外,仲有多款鹹食和新款甜品,裝潢更充滿住濃濃夢幻感覺,真係秒殺唔少少女心。 原文網址: http://connie-hk.com/lattitude 在堅尼地城出口行約3分鐘就到,地點尚算方便就腳。 點擊圖片放大 +4 步進店內看到周圍的環境佈置真的好可愛,環境也裝潢得很骨子;以「雲」和「小熊白兔」作為主題,周圍都看到小熊的蹤影,近門口位放了一隻超大的啡熊公仔,店內也有滿多影相位,黎到當然要同佢影相一番。 每枱都有放一隻公仔和客人陪食,影個相都開心。 翻開餐牌,餐牌內的選擇係意想不到的多,部份菜式圖文並茂也相當吸引。沙律、湯、小食、意粉,薄餅、漢堡、到主菜的牛扒、羊架、三文魚等通通都有,而且圖片上的菜式看上去也很精緻,讓小妹很多都想試。(餐牌在文末) Purple Potato Latte $38 用透明玻璃杯盛著的紫色Latte,紫薯味道頗明顯,不會很假,奶泡也是薄薄一層,入口頗滑;面頭仲整左個小熊拉花,可惜既係小妹總係覺得它的樣子有點詭異。 點擊圖片放大 明太子炸軟殼蟹忌廉汁意粉 $138 原隻炸軟殼蟹放在意粉上,不過軟殼蟹的份量未算很大,邊位咬落酥脆,中間又帶點軟腍的口感,香口度還好,旁邊仲配有紫菜等。拌勻黎食,忌廉汁的味道較重,隱約會食到點明太子的辣,和卜卜聲的口感,掛汁程度可以,如果可以再多點汁會更好。 煙燻鵝肝漢堡 $158 個漢堡送上黎時真係幾大個,同老公一人一半絕對岩岩好。店員仲好好人等我地影完相再幫忙切對半,很貼心! 烘過既包身咬落外脆內軟,裡面有6oz漢堡、鵝肝、紫洋蔥、煙肉、巴馬臣芝士、香醋汁、蕃茄、生菜,材料很豐富,個漢堡好厚身。 咬落去充滿肉汁,啖啖肉,肉味頗濃。一向覺得漢堡加鵝肝呢個配搭係幾夾的,煎過既鵝肝食落多左重豐腴的脂肪香。不過略嫌鵝肝得一片唔夠多,唔太夠喉,如果有兩片就更加豐富!包中所配搭的意大利香醋汁,味道開胃帶醋酸感,食完覺得無咁膩,仲覺得幾好食添,不過如果可以跟薯條會仲開心! 櫻花樹下 $88 見到餐牌張圖好靚,忍唔住叫左個櫻花樹下。以櫻花樹造型上枱的雲呢拿雪糕,配上粉紅色棉花糖,整個就是很夢幻!中間配上一堆雜莓果,仲有朱古力心太軟。 雲呢拿雪糕食落奶味很濃,質感滑!不過那粉紅色棉花糖溶掉的時候會整到成張枱很黏,食又好甜,都係拎黎影相居多! 心太軟食落朱古力味好香濃,整個偏向似蛋糕質感,流心程度一般,不過味道是不錯的! ※本文以用餐當日的環境、服務和食物質素為準,口味亦因人而異,文章只作參考之用。 L'attitude | FACEBOOK、IG 地址: 西環堅尼地城卑路乍街68號Imperial Kennedy地下2號鋪 (港鐵堅尼地城站 B 出口, 步行約2分鐘) 電話: 2887 6319 營業時間: 星期一至三及日 11:30-22:30 、星期四至六 11:30-23:00 餐牌↓點擊圖片放大 +11