Joō de Rolls為香港首家Churros專門店,主打精緻的招牌Churros,在傳統的Churros中加入了新穎的配搭,製作出不同款式的鹹甜Churros。 原文網址: http://connie-hk.com/jooderolls 店子的環境走簡約高雅路線,裝潢帶有時尚的感覺,顏色上的搭配很適合女生們在這裡與閨密聚餐。已經第三次到訪Joō de Rolls了,因為想試的款式也不少,之前都係黎食甜品多,今次直接黎食晚餐和甜品。 這間以Churros為主打的餐廳所配搭的款式可不少,光是甜的都有8款,鹹的更配有全日早餐、熱狗腸等,另外仲有其他單點菜式,如蕃茄肉丸,貝果漢堡、漢堡包,芝士薯條和沙律等。飲品的款式多元化,有水果Detox Water、沙冰、花茶、咖啡的品項也滿多。(餐牌在文末) 而且看到開放式廚房擺放的咖啡機和虹吸式咖啡壺感覺相當專業! Matcha Latte $42 有著美美的心形拉花,色澤對辦的抹茶Latte,入口奶泡打得幼滑,抹茶味甘而不苦,味道順口,但奶的比例較多,如果抹茶味再濃點會更好! Ice Drip Coffee $60 男人點的冰滴咖啡,端來時在小木盤放了一瓶冰滴咖啡和冰鎮小杯。據說用上巴拿馬的咖啡豆所萃取,由於此咖啡的咖啡因濃度高,所以店員提供了小杯子慢慢細味的淺嚐。對於不太好純咖啡的小妹來說,這咖啡味道帶點酸,不苦且很易入口,男人也讚滿不錯。 細心的小紙條寫上咖啡豆的名稱,感覺很認真。 Churros Dog $78 這款鹹食可配搭不同的醬料,包括原味、芝士和Wasabi,小妹選擇左原味。用Churros包住一條熱狗腸,咬落Churros的脆和富嚼勁的口感,意想不到同熱狗腸又幾夾,比想像中好食。 近來餐廳新推出兩款蛋包飯,可揀蕃茄汁肉丸或咖哩漢堡扒,兩款都只係$68包飲品,小妹覺得相當抵食! 男人超愛食咖哩,所以便點來一份咖哩漢堡扒蛋包飯。 這碟蛋包飯份量可不少,最面頭係一整塊漢堡扒,底下係蛋包飯(炒飯);漢堡扒肉質食落較乾,欠缺了點肉汁,不過牛味尚算濃郁;滑滑的奄列內係醬油味腸仔炒飯,食落都幾惹味,如果碟邊的咖哩汁可再多點來拌飯會更開心! Matcha Chourrs $98 三訪黎呢度,之前已經試過草莓Chourrs,今次可以試埋抹茶Chourrs。一個價錢仲有埋抹茶雪糕同紅豆白玉。真係不得不說賣相真係幾靚,將四條Chourrs砌到好似蝴蝶咁,女士們影相一流! 四條Chourrs上面兩條搽左抹茶醬,下面就灑左抹茶粉,可以一次過試兩種味道。Chourrs同二訪時一樣炸得夠乾身不油,咬落香酥脆口,裡頭煙煙韌韌有嚼勁,口感上很好嚼,好好味!抹茶醬個款食落多左層甘甜既茶香,沒有小妹至怕的甜膩感;灑上抹茶粉個款可以單獨食或加上雪糕同食,搭配不同既配料,味道更豐富。 不過抹茶雪糕就偏重奶味,茶味可再濃一點就更好,兩款Chourrs各有各好,味道也比想像的出色! French Toast $88 除了招牌Chourrs,這款法式吐司都有驚喜,由於即叫即煎,落單後需等約15分鐘。 整碟吐司上桌時已弄成成粒粒正方形,份量頗多!煎過後呈現出金黃色狀態很吸引,面頭仲加左忌廉和糖霜,仲有少許鮮果伴碟。 吐司質感入口好軟綿綿,濕潤帶有空氣感,質感似食緊梳乎里,但我又覺得幾似麵包布甸,而且蛋香味超級濃郁;喜歡仲可以加埋旁邊附上的糖漿,味道更加香甜,不過都頗飽肚,建議與友人開心分享。 二訪的櫻花葩菲杯 $98 (季節限定-已完) 葩菲的賣相美美的,粉嫩的顏色,又係停不了的相機食先。 葩菲以櫻花蓉、雲呢拿雪糕做基底,仲有層紅豆、燕麥、櫻花雪糕和Churros搭配而成,層次分明豐富,仲有一個可愛的櫻花寒天作點綴。 整杯葩菲食落有種甜蜜的感覺,比較鍾意既係當中的Churros,炸得乾身無油膩感,食落相當脆口又帶點煙韌口感,感覺比第一次幫襯時好食。 面頭個球櫻花雪糕,花香的味道較為明顯,不過甜度稍高。第一次食櫻花蓉,真係幾難形容佢既味道,質感就似平時食日本和菓子,粟子蓉既朋友,不過係帶點甜甜的花香。 味道算是中規中矩吧,葩菲賣相的驚艷度較高,相機食先一流。 首訪時的Strawberry Churros $88,等左三個字度,用左四條Churros砌左朵花,上面加左忌廉,再鋪上不少的士多啤梨片,賣相好靚啊,忍唔住拎埋緣子出黎影。 諗住用刀切開,外皮原來都幾硬下,所以直接吉住食;咬落微暖,雖然帶脆,但是稍為有點硬,裡頭就煙煙韌韌,加埋少少忌廉同朱古力醬都幾好食!朱古力同Churros真係好夾架! ※本文以用餐當日的環境、服務和食物質素為準,口味亦因人而異,文章只作參考之用。 Joō de Rolls | FACEBOOK、IG 地址: 尖沙咀彌敦道100號The ONE 4樓L408號舖 (港鐵尖沙咀/尖東站 B1 出口, 港鐵尖沙咀/尖東站 N5 出口) 電話: 3755 4848 營業時間: 星期一至日 12:00-22:30 餐牌↓