這天去完信德中心後,便順道同老公去西港城附近一間專食法式甜撻的甜品店Tartes & Pop,其實都知道這餅店一段時間了,由兩位法藉老闆主理,網上風評甚好,也讓小妹相當期待! 原文網址: http://connie-hk.com/tartes-pop 甜品店門面相當簡潔,很容易走漏眼,不過一看到那橙色圓形白字的招牌便知道到了。步進店內,同樣以簡潔為主,白色的牆壁上,除了掛上店內法式甜撻和樂隊們唱片封套的相片外,還有樂隊們親筆簽名的紙盒,據說係盡顯法藉老闆所喜愛的音樂文化,店名的"Pop"就是這樣的意思。 步進店內,其中一位年輕帥氣的法藉老闆很細心和熱情的介紹他們店內的甜撻,老闆給人的感覺也很開郎和健談,幸好老公的英文尚可,未至於回不上咀!(笑) 店子不大,放置了餅櫃外,還有設置數個堂食的單邊坐位,後方更有製作甜品的地方,確保所有法式甜撻都係每日新鮮製做,絕不留過夜;而且所用的原材料:牛油、砂糖、忌廉和麵粉等均用上法國貨,全部100%人手製作,確保食物的質素和味道都係最好的!每款撻的數量不多,價錢大約$45/個,好多時下午兩三點,一些受歡迎的款式都已經售罄,所以想試多幾款就要早點黎喇! 在包裝上也設計了一些可愛的小盒子讓客人外帶,每個小盒子都可放置一個甜撻,如果買得多仲有9個/16個的禮盒裝,也很得體。 餅櫃內除了我們所選的三款味道外,仲有花生香蕉撻、士多啤梨忌廉撻、牛奶朱古力柚子撻、覆盆子朱古力撻,估唔到連青檸撻都有,偶然仲會推出限定口味,真係款款都想試啊! 我們選擇了堂食,老闆便用黑膠唱片造型的仿碟子把甜撻放在上面給我們,很可愛呢!不過沒有附上餐具?原來老闆希望客人們能用手拿起來一啖一啖的品嚐他們的甜品,怕成手痴粒粒?食完先算啦! 檸檬榛子朱古力撻 LEMON GIANDUJA $45 用上原個檸檬整成的檸檬撻,據說連檸檬皮都用上來打成檸檬醬,食落一股清幽芳香的檸檬味湧入味蕾,一面食口裡不停說著:「好清新」呀!比坊間食過的檸檬撻的味道來得清香,檸檬味重得來係偏酸個隻(怕酸者可能不太習慣)。所以老闆巧妙的在上方放了三小瓣軟身的榛子朱古力,以朱古力的甜來平衡檸檬的酸,這樣的配搭較少見,豐富左味道,撻底亦相當鬆化,小妹好鍾意! 黑芝麻抹茶撻 Sesame Matcha $45 香港人實在太愛抹茶喇,常見到抹茶甜品店大排長龍,直情可以用瘋狂黎形容!所以老闆話此抹茶撻係為左迎合香港人喜愛抹茶的程度而設,仲揀左京都宇治抹茶粉所製。整個撻更不止單一抹茶味這麼單調,今次唔係配上紅豆或芝士,特別的搭配了黑芝麻! 整個結構係一層方形的抹茶慕絲、抹茶粉,朱古力撻皮內係芝麻醬同杏仁海綿蛋糕,最上放了一顆朱古力作點綴,層次感豐富,賣相的的骰骰,狀甚吸引! 記住要一啖咬到底,咁先食到抹茶同黑芝麻兩種味道。入口抹茶味濃郁帶甘甘的茶香,隨之而來係黑芝麻濃稠的質感和味道,兩者的配搭係幾得意,不過黑芝麻的味道稍為蓋過了抹茶味搖身一變成為主角,抹茶愛好者可能會略為失望。本身單一食抹茶慕絲已經不錯吃,或者將來老闆會另外推出一個抹茶慕絲甜撻?!可以考慮喎(笑)。 蘋果焦糖撻 Apple Caramel $45 最後仲食左老公超想食既蘋果撻,初時睇個名話有焦糖,深怕會甜到喉嚨深深處個種,估唔到食落有驚喜!咬落啖啖蘋果肉,因為用上青蘋果,所以質感會比用上紅蘋果來得更加爽口,配埋適量的焦糖醬,味道更加香甜誘人,如果鍾意食蘋果撻既你有機會一定要試下! ※本文以用餐當日的環境、服務和食物質素為準,口味亦因人而異,文章只作參考之用。 Tartes & Pop | FACEBOOK、IG 地址: 上環摩利臣街2號地舖 (港鐵上環站 B 出口, 步行約4分鐘) 電話: 6597 6667 營業時間: 星期一至日: 11:30-20:30